Лаборатория иши 8 Мавзу: php да шарт, танлаш ва цикл операторлари Ишнинг мақсади

Лаборатория иши - 8
Мавзу: PHP да шарт, танлаш ва цикл операторлари
Ишнинг мақсади: PHP да шарт, танлаш ва цикл оператори билан ишлаш.
Ишнинг натижасида тала қуйидагиларга эга бўлиши керак:
Билиши керак: PHP да шарт, танлаш ва цикл оператори билан ишлаш.
Қила олиши керак: PHP ни шарт, танлаш ва цикл оператори билан ишлаш. ва уларни қўллаш


НАЗАРИЙ БЎЛИМ

ШАРТ ОПЕРАТОРЛАРИ

if оператори.

Бу PHP дастурлаш тилидаги барча дастурлаш тиллари каби жуда муҳим оператордир. У шартга боғлиқ равишда код фрагментини бажаришга мўлжалланган. if операторининг структурасини қуйидагича ифодалаш мумкин:
if (ифода) бажариладиган_блок
Бу ерда ифода PHP дастурлаш тилидаги ихтиёрий тўғри ифодадир (яъни бирор қийматга эга). Скриптни қайта ишлаш жараёнида ифода мантиқий типга ўзлаштирилади. Агар натижада қайта ишланган ифода қиймати рост (True) бўлса, у ҳолда бажариладиган_блок бажарилади. Акс ҳолда бажариладиган_блок йўқотилади. Агарда бажариладиган_блок бир нечта буйруқлардан иборат бўлса, у ҳолда улар фигурали қавсларга { } олиниши шарт.
Ифодани мантиқий типга ўзлаштириш қоидаси:

1. 
   FALSE қиймати қуйидаги қийматларга тўғри келади:
   
   • 
     мантиқий False
     
   • 
     бутун сон – ноль (0)
     
   • 
     ҳақиқий сон – ноль (0.0)
     
   • 
     бўш сатр ва "0" сатр;
     
   • 
     элементларсиз массив
     
   • 
     ўзгарувчиларсиз объект (объектлар ҳақида кейинги бўлимларда тўлиқ маълумот берилган)
     
   • 
     махсус тип NULL бўлганда
     
2. 
   Қолган барча қийматларда TRUE қийматга ўзлаштирилади.
   

Мисол. if шарт оператори.
$names = array("Карим","Салим","Содиқ");
if ($names[0]=="Карим") {
echo "Салом, Азамат!";
$num = 1;
$account = 2000;
}
if ($num) echo "Карим рўйхатда биринчи!";
$bax = 30;
if ($account > 100*$bax+3)
echo "Бу сатр экранга чиқмайди, чунки шарт бажарилмайди";
?>