Laboratoriya ishi №5. Mavzu: rdb frezerlik dastgohi tuzilishi va boshqarish tizimini o’rganish

Konsol gorizoital va vertikal frezalash dastgohlari

Konsol gorizontal va vertikal frezalash dastgohlari turli frezalash ishlarini bajarishda keng ko‘lamda ishlatiladi. Bu dastgohlarning tuzilishidagi o‘ziga xos xususiyatlari shundaki, ularda vertikal yo‘naltirgichli konsol 1 (5.1-rasm), ko‘ndalang va bo‘ylama stollar 2 va 3 bor. Bo‘ylama stoldagi qo‘shish va nuqta ishoralari uning mos holda bizdan ketishini va bizga qarab harakatlanishini ifodalaydi. SHpindelь 4 gorizontal (5.1-rasm, a) yoki vertikal (5.1-rasm, b) joylashadi. SHunga qarab 8- yoki 1- turdagi dastgoh ekanligi aniqlanadi.

Gorizontal frezalash dastgohining staninasi 5 ga (5.1-rasm, a) xartum 6 o‘rnatiladi. Tutib turuvchi ilgak (sirg‘a) 7 shu xartumga osiladi. Bir uchi shpindelga, ikkinchi uchi esa sirg‘aning tayanchiga o‘rnatiladigan opravkaga mahkamlangan frezalar to‘plami bilan ishlov berishda xartum va sirg‘adan foydalaniladi. Vertikal frezalash dastgohining staninasiga vertikal joylashgan shpindelli babka 8 (5.1-rasm, b) o‘rnatiladi. Bu babka I—I gorizontal o‘qga nisbatan buriladi.

5.1-ram. Konsolli frezalash dastgohi.

Konsol frezalash dastgohlari donalab, mayda seriyalab va seriyalab ishlab chiqarish sharoitlarida juda mayda, mayda va o‘rtacha yirik korpus detallarga, richaglarga hamda disklarga ishlov berishda qo‘llaniladi.

Dastgoh stoli ish izasining o‘lchamlari 100X400 dan 500X2000 mm gacha bo‘ladi. Oxir (val uchiga o‘rnatiladigan) va yon frezalarning eng katta diametrlari stol ish yuzasining o‘lchamlariga qarab tanlanadi.

Stolning ish yuzasi dastgohning shartli belgisida stol nomerini ko‘rsatuvchi 0, 1, 2, 3 va hokazo raqamlar bilan ifodalanadi. Masalan, 681 shartli belgi quyidagilarni ifodalaydi: konsol gorizontal frezalash dastgohi № 1 stol bilan jihozlangan (stol ish yuzasining o‘lchamlari 200X800 mm).