Laboratoriya ishi №5 Mavzu: MatLab dasturida Machine Learning jarayonlarini modellashtirish. Ishdan maqsad

Laboratoriya ishi №5

Mavzu: MatLab dasturida Machine Learning jarayonlarini modellashtirish.

Ishdan maqsad:

1. 
   Machine Learning jarayonlari uchun mavjud modellarni tahlil qilish;
   
2. 
   Machine Learning jarayonini MatLab dasturi asosida modellashtirish.
   

1.Qisqacha nazariy ma’lumot.
Classification Learner (Tasniflash oʻrganuvchisi) ilovasi – Supervised machine Learning (boshqariladigan mashinani oʻrganish) yordamida ma’lumotlarni tasniflash uchun modellarni oʻrgatadi.
Classification Learner ilovasi ma’lumotlarni tasniflash uchun modellarni oʻrgatadi. Ushbu ilovadan foydalanib, Siz turli xil tasniflagichlar yordamida boshqariladigan mashinalarni oʻrganishingiz mumkin. Siz ma’lumotlaringizni oʻrganishingiz, xususiyatlarni tanlashingiz, tekshirish sxemalarini belgilashingiz, modellarni tayyorlashingiz va natijalarni baholashingiz mumkin. Siz eng yaxshi tasniflash modeli turini qidirish uchun avtomatlashtirilgan trening(oʻrganish)ni amalga oshirishingiz mumkin, jumladan decision trees (Qaror daraxti), discriminant analysis (discriminant tahlil), support vector machines (vektorli mashinalarni qoʻllab- quvvatlash), logistic regression (logistic regressiya), nearest neighbors (eng yaqin qoʻshnilar), naïve Bayes (sodda Bayes), kernel approximation (yadro yaqinlashishi), ensemble (ansambl) va neural network classifier (neyron tarmoq tasniflagichi.
Ushbu laboratoriya ishi ikki qismdan iborat boʻlib, 1-qismda talabalarga MatLab dasturining Machine Learning and Deep Learning toolboxidagi Classification Learner ilovasi bilan ishlash va unda mavjud algoritmlarni tahlil qilish jarayonlari o’rgatiladi. Laboratoriya ishining ikkinchi qismida esa Machine Learning da hozirgi kunda keng foydalaniladigan KNN (K-nearest Neighbors) algoritmi asosida model yaratiladi va modelni ishlash jarayoni tushuntirib beriladi.
MatLab dasturida Classification Learner ilovasiga kirishning ikkita yoʻli mavjud:
1). MatLab dasturining uskunalar panelidan APPS (Ilovalar) boʻlimi tanlanadi, uning ichidan Machine Learning and Deep Leaning toolbox boʻlimi tagidagi Classification Learner nomli ilova belgisi tanlanadi (5.1-rasm).

5 .1-rasm. Classification Learner ilovasini ochishning 1-usuli.

2). MatLab dasturining buyruq oynasi (Command Window) ga classificationLearner buyrugʻi yoziladi.

H osil boʻlgan Classification Learner ilovasi oynasi quyidagich boʻladi (5.2-rasm).

5.2-rasm. Classification Learner ilovasi oynasi.
Matlab dasturining Classification Learner ilovasida tasniflash jarayonlarini baholash uchun boshlangʻich ma’lumot sifatida fisheriris ma’lumotlar bazasidan foydalanamiz. Uni Matlab dasturiga yuklash quyidagicha( 5.3-rasm):

5.3- rasm. Tasniflash uchun ma’lumotlar bazasini yuklash.

Shundan soʻng Classification Learner ilovasiga oʻtiladi va quyidagi rasmda keltirilgan ketma ketlik bajariladi (5.4-rasm).

5.4-rasm. Classification Learner oynasida ma’lumotni yuklash.

Quyidagi oyna hosil boʻladi (5.5-rasm):

5.5-rasm. Ma’lumotlar bazasini oʻzgaruvchilarni sozlash va sessiyani amalga oshirish

Shundan soʻng Start Session tugmasi bosiladi va quyidagi oyna hosil boʻladi (5.6-rasm).

5.6-rasm. Berilgan ma’lumotlar toʻplamining kordinata oʻqlari boʻyicha taqsimlanish grafigi
Ushbu orginal ma’lumotni Classifikation Learner ilovasining uskunalar panelida joylashgan model type boʻlimidan KNN algoritmlari asosida tasniflanadi.