Laboratoriya ishi №12-13 Mavzu: Siyrak tolali biriktiruvchi to’qima. Maxsus xususiyatga EGA biriktiruvchi to’qimalar Maqsad: S

Laboratoriya ishi №12-13

Mavzu: Siyrak tolali biriktiruvchi to’qima. Maxsus xususiyatga ega biriktiruvchi to’qimalar
Maqsad: Siyrak biriktiruvchi to‘qima tuzilishini mikropreparatlar, rangli jadvallar va atlas yordamida o‘rganish. Shakllanmagan hamda shakllangan zich tolali va maxsus xususiyatga ega biriktiruvchi to‘qimalar tuzilishini mikropreparatlar va jadvallar asosida o’rganish.

O‘quv jihozlari: mikroskop, mikropreparat, atlas, rangli jadvallar va o‘quv adabiyotlari.

1. 
   ish: Mashg‘ulotning nazariy qismi о‘zlashtiriladi.
   

Mashg‘ulotning nazariy qismi:

Siyrak tolali shakllanmagan biriktiruvchi to‘qima hujayra elementlari va oraliq moddadan tashkil topgan bo‘lib, unda bi­riktiruvchi to‘qimaning barcha turlariga xos hujayralarni uchratish mumkin. Hujayra oraliq moddasida siyrak, turli yo‘nalishda yotuvchi tolalar joylashadi. Hujayralararo modda ko‘p bo‘lgani uchun biriktiruvchi to‘qimaning funktsiyasi oraliq moddaning fizik-kimyoviy xossalariga bog‘liq. Siyrak tolali biriktiruvchi to‘qima kuchli regeneratsiya qobiliyati, yuqori plastik va adaptatsion imkoniyati bilan xarakterlidir.

Siyrak tolali biriktiruvchi to‘qima organizmning turli or­gan to‘qimalari tarkibida bo‘ladi va doimo qon tomirlar devori bo‘ylab joylashadi. U biriktiruvchi to‘qimaning boshqa turlari uchun ham xos bo‘lgan trofik, himoya, plastik va mexanik (tayanch) vazifalarni bajarib, organizm ichki muhitining doimiyligini (gomeostazni) belgilaydi. Barcha funksiyalar hujayralar va hujayralararo modda vositasida bajariladi.

Biriktiruvchi to‘qima morfologiyasini o‘rganish shu to‘qimaning kasalliklarini (kollagenozlarni) va turli protsesslarga bo‘lgan javobini (immunologik reaktsiya, yallig‘lanish, regenera­tsiya) tushunishga yordam beradi.

2 – ish: Mavzu yuzasidan tayyorlangan doimiy mikropreparatlar ko‘riladi va rangli rasmlar-atlas bilan solishtirib o‘rganiladi.

3– ish: О‘rganilgan materiallar asosida tapshiriqlar bajariladi.