Laboratoriya ishi – 10

Laboratoriya ishi – 10
Mavzu: Elektron hukumatning elementlari va amaldagi loyihalari bо‘yicha topshiriqlar bajarish
Ishning maqsadi: Elektron hukumat xizmatlaridan foydalanish bo’yicha amaliy ishlar bajarish
Nazariy qism
Elektron hukumat(EH) tizimi haqida
umumiy tushuncha
• Elektron hukumat — Barcha ham „ichki“, ham „tashqi“ aloqalar va jarayonlar majmuasi tegishli axborot-kommunikatsiya texnologiyalari bilan quvvatlanib va taʼminlanib turadigan hukumat. Kommunikatsiya tarmoqlari (shu jumladan Internet) orqali axborotga ishlov berish, uni uzatish va tarqatishni elektron vositalari asosida davlat boshqaruvini tashkil qilishni, davlat hokimiyati organlarini barcha boʻgʻinlari tomonidan fuqarolarning barcha toifalariga elektron vositalar
bilan xizmatlar koʻrsatish, oʻsha vositalar yordamida fuqarolarga davlat organlarining faoliyati haqida axborot berish. „Elektron hukumat“ tushunchasi 1990-yillarningboshida paydo boʻlgan, lekin amaliyotga soʻnggi yilardan boshlab tatbiq qilina boshladi. Elektron hukumat deganda, fuqaro, korxona va tashkilotlarga, hukumat idoralarining turli pog‘onalariga va davlat amaldorlariga davlat xizmatlarini taqdim qilishda axborot-kommunikatsiya texnologiyalaridan foydalanish tushuniladi.
Elektron hukumat davlat boshqaruvida elektron hujjat almashinuvini ta’minlaydi. O‘z navbatida, elektron hujjat aylanishi bu — hujjatni skanerlab, uni elektron pochta orqali yuborish, degani emasligini yodda tutish lozim. Elektron hukumat aholiga va korxona-tashkilotlarga ko‘rsatilayotgan davlat xizmatlarini taqdim qilishni osonlashtiradi. Fuqarolarning o‘z-o‘zini boshqarishlari uchun qo‘shimcha imkoniyatlar yaratadi, ularning texnologik yangiliklardan xabardorligini oshiradi, davlat boshqaruvidagi ishtirokini osonlashtiradi.

Elektron hukumat quyidagi shakllarda amalga oshirilishi mumkin:

G2C (government-to-citizen) — davlatdan-fuqaroga
G2B (government-to-business) — davlatdan-biznesga
G2G (government-to-government) — davlatdan-davlatga
G2E (government-to-employee) — davlatdan-xodimga
EH bo’yicha qabul qilingan qarorlar
Dasturning bosh maqsadi iqtisodiyotning barcha jabhalarida axborot-kommunikatsiya texnologiyalarini joriy qilishni rivojlantirish, axborot resurslari, tizimlari va tarmoqlarining yaratilishini jadallashtirish, shuningdek aholi va tadbirkorlik sub’ektlariga ko‘rsatilayotgan interaktiv davlat xizmatlari soni va
sifatini yanada oshirishdan iborat. 2013-2020 yillarda O‘zbekiston Respublikasida
telekommunikatsiya texnologiyalari, tarmoqlari va aloqa infratuzilmasini rivojlantirish dasturini shartli ravishda yana ikki dasturga bo‘lish mumkin. Birinchi dastur – O‘zbekiston Respublikasi telekommunikatsiya texnologiyalari, tarmoq va
infratuzilmasini rivojlantirish bo‘lsa, ikkinchi dastur – “elektron hukumat” tizimining axborot tizimlari va ma’lumotlar bazasi kompleksini yaratish.

Topshiriqlar

1.Elektron hukumatning asosiy tushunchalariga ta’rif bering
2.Elektron hukumatning asosiy vazifalarini ko’rsating
3.Elekton hukumatning asosiy pronsiplarini sanag
4.WWW.MY.GOV.UZ saytidan foydalanib o’qsh joyidan ma’lumotnoma oling
5. WWW.MY.GOV.UZ saytidan foydalanib Shaxsiy jamg'arib boriladigan pensiya hisobvarag'i holati haqida ma'lumot oling