Laboratoriya ish №1

LABORATORIYA ISH №1

Texnikа xаvfsizligi vа lаborаtoriyadа ishlаsh koidаlаri. Qo‘llаnilаdigаn аsbob vа idishlаr. Tаrozidа tortish. Moddаlаrni hаydаsh vа qаytа kristаllаsh usuli bilаn tozаlаsh.

Laboratoriya ishlarini bajarishda ishlatiladigan asbob-anjomlar bo’yicha umumiy ko’rsatmalar va texnika xavfsizlik qoidalari.

Kimyo laborotoriyasida ishlaganda ko’ngilsiz xodisalar ro’y bermasligi uchun quyidagi ehtiyot choralari qoidalariga amal qilish shart:

1. 
   Zaharli va qo’lansa hidli moddalar bilan qilinadigan tajribalarni mo’rili shkafda bajaring.
   
2. 
   O’qituvchining ruxsatisiz biror moddaning mazasini tatib ko’rish yoki hidlash, shuningdek, berilgan ishga taa’luqli bo’lmagan boshqa biror ishni qilib ko’rish qat’iyan man etiladi.
   
3. 
   Moddaning hidini aniqlashda yoki gazlarni hidlab ko’rishda havo oqimini idishdan o’zingiz tomon yelpitib ohista hidlang.
   
4. 
   Kuchli kislotalarni, ayniqsa kontsentrlangan sulfat kislotani suyultirishda suvni kislotaga quymasdan, kislotani suvga tomchilatib ohista quying.
   
5. 
   Probirkaga biror suyuqlik solib qizdirayotganningizda uning og’zini o’zingizga yoki yoningizda turgan odamga qaratib ushlamang .
   
6. 
   Efir, benzin, spirt, benzol kabi oson o’t oluvchi suyuqliklarni olovga yaqin keltirish yoki ochiq alangada isitish mumkin emas .
   
7. 
   Yonuvchi gazlarning havo bilan aralashmasi portlorvchi bo’ladi, shuning uchun vodorod va shunga o’xshash gazlarni yoqishdan oldin ularning tozaligini sinab ko’rish kerak.
   
8. 
   Simob va uning bug’i kuchli zahar. Shuning uchun u bilan ishlaganda juda ehtiyot bo’lish lozim.
   
9. 
   Elektr asboblari bilan ishlashda ularning izolyatsiyasiga e’tibor bering.Ular yaxshi izolyatsiyalangan bo’lishi kerak.
   
10. 
    Ish joyingizdan bajaraladigan ish uchun keraksiz buyumlarni (kitob , daftar, portfel shuningdek ortiqcha idish, asbob va reaktivlarni ) boshqa, maxsus joyga olib qo’yish lozim.
    
11. 
    Natriy metali va ishqoriy metallar bilan ishlaganda suvdan uzoqroq bo’lishi kerak.
    
12. 
    Qizdirilayotgan eritmaga yoki parlanayotgan suyuqliklarga yuzingizni yaqinlashtirmang, yuzingizga sachrashi mumkin.
    
13. 
    Laboratoriya mashg’uloti tugagach, ish stolini tartibga solish, gaz va vodoprovod jo’mraklarining berkligini hamda elektr asboblarining o’chirilganligini albatta, tekshirishni unutmang.