Laboratoriya idishlari va asboblari

Ishning borishi tajribaga tayyorlanish va o’tkazish
Kuzatish natijalari va xulosa
17.04.2015	Oqova suvlarning loyqalanish darajasini aniqlash.	Toza avvaldan og‘irligi o‘lchangan chinni idishga tekshirish uchun olingan oqova suvdan ma‘lum miqdorini yaxshilab chayqatib quyiladi.

Kimyoviy idishlar va asboblar. Turli kimyoviy tajribalarni bajarishda, maxsus yupqa yoki qalin shishadan yasalgan idishlar ishlatiladi. Yupqa shishadan yasalgan idishlar temperaturaning o‘zgarishiga chidamli va ularda qizdirish bilan bog‘liq bo‘lgan turli kimyoviy jarayonlar bajariladi. Qalin shishadan yasalgan idishlarni qizdirish yaramaydi. Ayrim kimyoviy shisha idishlar 1-rasmda keltirilgan.



1-rasm.1-Probirka, 2-kimyoviy stakan, 3-tubi yassi kolba, 4-tubi yumaloq kolba, 5-Vyurs kolbasi, 6-konussimon kolba, 7-voronka, 8-tigel, 9-soat oynasi, 10-pipetkalar
Shisha idishlar bilan bir qatorda laboratoriyada chinnidan yasalgan idishlar ham ishlatiladi (2-rasm).



2-rasm. Chinni havoncha Chinni kosacha Chinni tigel


O’lchov idishlari. Anorganik kimyoda laboratoriya ishlarida suyuqliklarning hajmini o‘lchash uchun odatda turli o‘lchov idishlari, o‘lchov kolbalari va silindrlari, pipetkalar, menzurkalar va byuretkalar ishlatiladi.
Kolbalar. O‘lchov kolbalari (3-rasm) aniq konsentrasiyali eritmalar tayyorlash uchun ishlatilib, uzun va bo‘g‘zi tor qilib yasaladi. Kolbaning bo‘g‘ziga suyuqlik qayerigacha solinishi kerakligini ko‘rsatadigan belgi qo‘yiladi. Kolbaga qo‘yilgan raqamlar ma‘lum temperaturada uning millilitr bilan ifodalangan hajmini ko‘rsatadi. O‘lchov kolbalarining bo‘g‘zining tor bo‘lishiga sabab, suyuqlik hajmining ozgina o‘zgarishi ham suyuqlik hajmini ko‘rsatuvchi belgining holatiga sezilarli ta‘sir qiladi. O‘lchov kolbalari shlifsiz va shliflangan probkali bo‘ladi. Odatda o‘lchov kolbalarining hajmi har xil bo‘lib, 25, 50, 100, 200, 250, 500, 1000 ml va 2 l gacha bo‘ladi.