Labora-toriya jumislari

10 - laboratoriyalıq jumıs. Tezek shıǵarıw hám tezekti tekseriw.


Sabaqtıń maqseti: Haywanlarda tezek shıǵarıw hám tezekti tekseriwdi ózlestiriw.
Sabaq úskeneleri - kórsetiletuǵın materiallar, ásbaplar, haywanlar: at, iri shaqlı haywan, qoy, toray.
Sabaqtıń barısı: Defekaciya aktin teksergende haywan pozasına, akti sanına hám awırıw seziwine itibar beriledi.
TEZEKTI MIKROSKOPIK TEKSERIW. Tekserilip atırǵanda onıń reńi, iyisi, konsistenciyası, hár túrlı qosımtalar, jat zatlar, hawa kóbiksheleri, silekey qospası, iriń, teri bòleklerine itibar beriledi. Tezektiǹ reńi azıq quramına : dalada baǵılģan otxor haywanlarda tezek reńi jasıl, koncentrat benen baǵılģanda sarı qoǹırt reńli boladı. Kesellikler waqtında tezek reńi birden ózgeredi: ash- qoǹır (baspaqlardiń ish ketiwi keselliginde), toq jasıl (juqpalı encefalomielitte), topıraqsıyaqlı (gastroenteritte).
Iyisi normada tábiyiy ayrıqsha. Keselliklerde ashıģan hám shirigen iyis beredi.
Qospalar ishek tasları, belok qospası, iriń h.b. zatlar bolıwı múmkin.
Konsistenciyası saw haywanlarda hár túrli, biraq barlıq haywanlarda tezek qáliplesken.
Ózgerisler - ish ketiwlerde suyıq, ish qatıwda bolsa qattı konsistenciyaģa iye boladı. (kóbinese silekey menen oralǵan boladı )
Tezekti mikroskopik tekseriw. Azǵantay tezek predmet aynashasına sủrtilip distillanģan suw menen aralastırıladı. (úlken bòlekleri ajratıladı ) jabıw aynasha menen jabıladı. Yamasa jabıw aynashanı jawmastan hám mikroskop astında kóriw múmkin. Kraxmal dánesheleri lyugol eritpesi menen boyalǵan, toq kók reńge kiredi.
May tamshıları Sudan - III eritpesi menen boyalǵanda sarǵısh reńge kiredi.
Tezekti ximiyalıq tekseriw.
Beloktı anıqlaw.
Tezekti teksergende distillanǵan suw menen bir neshe ret aralastırıladı, bir neshe ret filtrlenedi, uksus kislota menen jeńil ashıtıladı hám filtrlengennen keyin Geller probası ótkeriledi.
Geller probası. 5 ml Geller reaktivine pipetka járdeminde 5 ml tekseriletuǵin filtrat qoyıladı. Eger belok bolsa filtrat qoyılǵan sızıq boylap aq bultsıyaqlı sheńber payda boladı.
Qandı anıqlaw.
Benzin probası. Buyım aynashasına qalıń qatlamda tezek sủrtiledi, jańa tayarlanģan benzidin eritpesinen 2 - 3 tamshı uksus kislotaǵa (pıshaq ushına azǵantay benzidin alınadı hám 5 ml muzli uksus kislotası menen aralastırıladı ) hám sonsha 3 % li vodorod peroksidi qosıladı. Shıyshe tayaqsha menen aralastırıladı. Unamlı reakciyada birinshi 2 minutta tezekte kók - jasıl reń payda boladı. 2 minuttan keyin payda bolǵan reń ózgermeydi. Bul proba járdeminde tezekte (0, 24) qan bolǵanlıǵı anıqlanadı.
Tekseriw nátiyjeleri.
1.Tuwrı ishek
Saqlanatuǵın element
Silekey perdediń temperaturası
Awrıwlılıģı
Ízǵarlıǵı
Óspeler, jat zatlar
Pútinliginiń buzılıwı
2 Ishek
Jaylanıwı
Tolıqlıǵı
Awrıwlılıģı
Saqlanatuǵın elementler túri
Saqlanatuǵın elementler konsistenciyası.
3 Defekaciya
Chastotası
jaǵdayı (pozası)
4 Tezek
Tezek muǵdarı
Forması
Reńi
Konsistenciyası
Iyisi
Qospalar, qatlamlar
Kraxmal dánesheleri
Belok
Qan
May tamshıları
Silekey
Iriń
Jat zatlar