Labora-toriya jumislari

9 - laboratoriyalıq jumıs. Haywanlarda torqarın,qat qarın hám ultabardı tekseriw.
Sabaqtıń maqseti: Gúysewshi haywanlarda qatqarın hám ultabar, torqarındı tekseriwdi ózlestiriw.
Sabaq úskeneleri - kórsetiletuǵın materiallar, ásbaplar, zondlar, haywanlar: at, iri shaqlı haywan, qoy, toray
Sabaqtıń barısı: Qatqarın qarın boslıǵınıń oń tárepi aldınǵı bòlegi diafragma arqasında jelke buwın liniyasında 7 - 9 qabırǵalar arasında jaylasqan. Qatqarındı qabırǵalar jawıp turǵanlıǵı sebepli kóriw usılı menen tekserilmeydi. Qatqarın palpaciya hám esitiw usılları menen tekseriledi. Batıwshı palpaciya járdeminde awrıw bar joqlıǵı anıqlanadı, esitiw usılında normada tómen, ayırım shıtırlaǵan dawıslar esitiledi. Qatqarında bir kesellik ushıraydı, bul qatqarındaǵı azıqlardıń qatıp qalıwı, bul waqıtta auskultaciya da hesh zat esitilmeydi.
Ultabardı tekseriw. Ultabar - qarın boslıǵınıǹ oǹ tárepinde, qatqarınnıń tómengi bòleginde, qabırǵa oyı astında jaylasqan, ulıwma tekseriw usılları menen tekseriledi. Kòriwde oǹ tárep qabırǵa jeri tarawına itibar beriledi. Ultabardı tekseriw: 8 - 12 qabırǵalar astınan oń tárepten ótkeriledi. Auskultaciyada suw qoyılıwdı yadǵa salatuǵın shıldırlı shawqımları esitiledi.
Tekseriw nátiyjeleri.
1 Úlken qarın:
Konsistenciyası
Ruminaciya (qısqarıwları sanı )
Perkussiya dawısı
Ruminaciya shawqımları.
Qısqarıw sanı
Tolqın biyikligi
Qısqarıw ritmligi
2. Tor qarın
Awrıwlıǵı
A. Haywan jelkesine terisini jıynawı.
B. Basın maksimal joqarıǵa kóteriw
V. Tor qarın tarawına qaptal tárepten mush arqalı basım beriw.
G. Semsersıyaqlı ósimte astınan joqarıǵa dize yamasa tayaq járdeminde kóteriw.
D. Haywandı qıyalıq orınnan túsiriw.
E. Diatermiya usılınan paydalanıw.
Jat zatlar shanshılģanlıģı.
3 Qat qarın, awrıwlılıģı, shawqımlar kúshi.
4 Ultabar, awrıwlılıģı, perkussiya dawısı, peristaltik shawqımlar