Kvant kimyoga oid atama va ularning sharxi Reja

CNDO usulini parametrlashda H atomi va 2-davr elementlari uchun ishlatilgan parametrlar Element	(Is+As)/2*	(Ip+Ap)/2	ζ s,p
β0A
H	7.176	-	1.200	9
Li	3.106	1.258	0.650	9
Be	5.946	2.563	0.975	13
B	9.594	4.001	1.300	17
C	14.051	5.572	1.625	21
N	19.316	7.275	1.950	25
O	25.390	9.111	2.275	31
F	32.272	11.080	2.600	39

*Is, As – s elektron uchun ionlanish potensiali va elektronga moyillik qiymati; Ip, Ap – p elektron uchun ionlanish potensiali va elektronga moyillik qiymati; β0A – atom tabiatiga bog‘liq bo‘lgan empirik parametr.

Jon Popl (John Anthony Pople, 1925 – 2004) – kvant-kimyo sohasidagi katta xizmatlari, asosan, Gaussian dasturi uchun 1998 yili V. Kon (Walter Kohn) bilan Nobel mukofotiga sazovor bo‘lgan. Dastlab yarim-empirik hisoblash usullarini ishlab chiqishda qatnashgan. Keyin noempirik hisoblash usullarini (Popl bazis to‘plamlarini) hamda Gaussian dasturini ishlab chiqqan.

Maykl Dyuar (Michael J. S. Dewar, 1918–1997) – nazariy kimo sohasida mashhur olim. Yarim-empirik hisoblash usullaridan MINDO/3, MNDO va AM1 usullarini ishlab chiqqan. AMPAC va MOPAC dasturlari uning guruhida yaratilgan. Shuningdek, uning rahbarligida SAM1 – semiempirical ab initio method 1 usuli yaratilgan.

Jeyms Styuart (James J. Stwert) – nazariy kimyo sohasida ilmiy ishlar olib bormoqda. Maykl Dyuarning izdoshi. 150 dan ortiq ilmiy maqolasiga 37 mingdan ortiq havolalar (ing. citations) mavjud. 1999-yilda eng ko‘p havola to‘plagan 15ta olim reytingiga kirgan. Mashhur MOPAC dasturi hamda PM3, PM5, PM6 va PM7 hisoblash usullari avtori.