"Kutubxona ma'rifatli dunyoga ochilgan eshik". Respublika bolalar kutubxonasi faoliyati

Respublika bolalar kutubxonasi bo‘limlari faoliyati bilan tanishib chiqamiz:

1. O‘quvchilarga xizmat ko‘rsatish bo‘limi

- Maktab yoshigacha va 1- 4 sinf o‘quvchilariga xizmat ko‘rsatish sho‘basi:

Maktab yoshigacha va 1- 4 sinf o‘quvchilariga xizmat ko‘rsatish sho‘basi: Abonement va o‘quv zalidan iborat. Sho‘basining kitob fondi 8503 nusxani tashkil etadi. Bu sho‘basi bolalar bog‘chalarining maktabgacha tarbiya guruhi bolalariga va maktabning boshlang‘ich sinf o‘quvchilariga xizmat ko‘rsatadi. Xizmat ko‘rsatish sho‘basining asosiy vazifasi kichik yoshdagi kitobxonlarni kutubxonaga jalb qilish, kutubxonada bo‘lgan noyob durdona asarlarni kitobxonlarga yetkazish, ularni bilim saviyasini oshirishdir.

Kitobxonlarni har tomonlama yetuk inson qilib voyaga yetkazish, ularda kitobga mehr uyg‘otish shu bo‘limdan boshlanadi. Bu yerda yosh kitobxonlar o‘zlarining bo‘sh vaqtlarini qiziqarli va mazmunli o‘tkazadilar. Hozirgi kunda videoapparatura orqali turli xil multfilmlar namoyishi va o‘yinlar bolalar xizmatida.

Adabiyotlardan to‘liq foydalanish uchun alfavitli va sistemali kataloglardan foydalaniladi. She'rlar kartotekasi bolalar qiziqishlarini hisobga olib muntazam to‘ldirilib boriladi.

Sho‘ba xodimlari Toshkent shahridagi bolalar bog‘chalari hamda maktablar, litseyi o‘quvchilariga xizmat ko‘rsatib kelmoqda. Sho'ba maktablar bilan hamkorlikda “Alifbo” bayramlari, uchrashuvlar, suhbatlar uyushtiradi.