Kutubxona -axborot faoliyati

O‘ZBEKISTON DAVLAT SAN’AT VA MADANIYAT INSTITUTI “KUTUBXONA -AXBOROT FAOLIYATI” fakulteti, sirtqi “KUTUBXONACHILIK VA BIBLIOGRAFIYA SIRTQI TA`LIM ” yo‘nalishi 202- KAF GURUH TALABASI Beknazarova Gulruxning “Kutubxonashunoslik” fanidan TAQDIMOTI
Режа:
1.Кутубхонашунослик фани ва унинг тузилмаси.
2. Кутубхоначилик иши.
Кутубхонашуносликнинг моҳияти, вазифалари ва тизими
Умумий кутубхонашунослик–кутубхонашуносликнинг бўлими сифатида ўз мазмунига кўра кутубхона–ахборот фаолиятининг ташкилий, умумназарий муаммоларини, шунингдек, кутубхонашуносликнинг обьекти ва предмети, тузилиши, атамалари, кутубхонашуносликка оид тадқиқотлар методикаси ва методологияси, кутубхона фаолиятининг қонуниятлари, унинг тамойиллари ва йўналишлари, бошқа турли фанлар билан ўзаро алоқадорлиги масалаларини ўрганади.
Кутубхона–ахборот, маьлумот, билимга нисбатан ижтимоий эҳтиёжларнинг индивидуал ва оммавий тарзда муайян фонд орқали қондирилишини таьминловчи махсус муассасадир. Ҳуқуқий жиҳатдан эса, кутубхона фонд таркибидаги нусхали ҳужжатларни вақтинча фойдаланиш учун жисмоний ва юридик шахсларга тақдим этувчи ахборот, маданий таьлим муассасаси ҳисобланади.
Кутубхонашунослик ва кутубхоначилик иши ўртасидаги чамбарчас алоқадорлик шунда намоён бўладики, кутубхонашунослик кутубхоначилик ишини ўрганса, кутубхоначилик иши илмий билимларнинг амалиётга жорий қилиниш соҳасидир.
Кутубхоначилик иши:
1.Кутубхона тармоқларини яратиш ва ривожлантириш;
2.Фондни шакллантириш ва қайта тиклаш;
3.Фойдаланувчиларга хизмат кўрсатишни ташкил этиш;
А) Маълумот библиографик;
Б) Ахборот хизмати
4.Кутубхона–ахборот муассасалари учун кадрлар тайёрлаш;
5.Кутубхона–ахборот муассасаларининг илмий–услубий таъминотидан иборат бўлган вазифаларни амалга оширади.
Кутубхонашунослик фаниниг вазифаси – кутубхоначилик иши назариясини ривожлантириш, ижтимоий, иқтисодий, маданий жараёнларда кутубхоналар фаолияти билан боғлиқ тарзда мавжуд бўлган қонуниятларни ижтимоий ҳодиса сифатида таҳлил қилиш билан бирга илмий билиш, тушунтириш, олдиндан башорат қилиш, тизимлаштириш вазифаларини ҳам амалга оширишдан иборатдир.
Кутубхонашунослик фанининг тузилмаси, ички ташкилий шакли унинг бир бутун, мустаҳкам, нисбий барқарор, ўзаро алоқадорликдаги қисмлари, элементлари, томонлари бирлигидан ташкил топади. Кутубхонашунослик фанининг тузилмаси бўйича бир бирига зид бўлган турли қарашлар мавжуд бўлсада илмий асосланганлари қуйидагилардан иборатдир:

• илмий қонунлар; 2) илмий тамойиллар; 3) илмий назариялар; 4) тадқиқот методлари;

5) тушунчаларни ифодаловчи тизим; 6) фаразлар; 7) кузатишлар ва тажрибаларга асосланган маълумотлар.

Кутубхонашунослик ўқув фани сифатида қуйидаги бўлимлардан ташкил топади:
1. Кутубхоначилик иши тарихи ва назарияси.
2. Ҳужжатлар заҳираси.
3. Ҳужжатларни анализ ва синтез методи асосида қайта ишлаш.
4. Фойдаланувчиларга хизмат кўрсатиш.
5. Кутубхона-ахборот фаолияти менежменти ва маркетинги.
6. Ҳужжатшунослик: иш юритиш асослари.
7.Ўзбекистонда ва хорижий мамлакатларда кутубхоначилик иши тарихи.
Ушбу тузилма мутолаа психологияси, кутубхона рекламаси, фойдаланувчи психологияси сингари ўқув курслари ҳисобига кенгайиб боради.
Адабиётлар рўйхати.

• Есимов.Т.Б Ўзбекистонда кутубхоначилик ишининг шаклланиши ва ривожланиши.-Тошкент:1994.-74 б.
• Давлатов С. Х., Носиров Ў., Бердиева З. Ш., Ўрозов А.Н. Кутубхонашунослик” ўқув қўлланма.-Тошкент, 2020 й. ( электрон варианти)
• Ахунжонов Э. О. Ватан кутубхоначилиги тарихи 2-қисм.-Тошкент, 2 Дарслик / -Тошкент, А.Навоий номидаги Ўзбекистон Миллий кутубхонаси, 2006.-150 б.
• Коваленко А.П., Умаров А.А., Расулов М.М. Основы библиотековедения: Учеб.пособ.для студентов библиотечних факультетов.-Ташкент.: Изд-во НБ. Узбекистана им.А. Навоий, 2008.- 130 с.

E’TIBORINGIZ UCHUN RAXMAT!