Курснинг мақсади ва вазифалари

1.3. ЧИЗМА ШРИФТЛАРИ

Барча саноат, техник, қурилиш тармоқлари чизмаларидаги ёзувлар, яъни ҳарф ва рақамлар стандарт чизма шрифтлари билан ёзилади. Давлат стандарти бўйича алфавитнинг катта (бош) ва кичик (ёзма) ҳарфларининг шакли ва ўлчамлари хақида маълумот берилган. Шрифтларнинг ўлчамлари бош ҳарфнинг миллиметр ҳисобида берилган h баландлиги билан аниқланади.
Шрифтларнинг қуйидаги ўлчамлари мавжуд:
1,8; 2,5; 3,5; 5; 7; 10; 14; 20; 28; 40
Шрифтларнинг А ва В турлари бўлиб, А турдаги шрифтларнинг ҳарф чизиқларининг қалинлиги d бош ҳарф баландлигининг 1/14 қисмига (d= h/14), В (7-шакл) турида эса 1/10 қисмига (d= h/10) тенг қилиб олинган.
2-жадвалда 3,5 дан 14 гача бўлган шрифтларнинг ҳарф ва рақамлари баландлиги билан қолган ўлчамлари орасидаги нисбатлар келтирилган.
7-шаклда кўрсатилган В туридаги шрифтлар ва уларнинг ўлчамлари баландлигига нисбатан бирликлар ҳисобида берилган. Бош ҳарфлар баландлиги 10 бирлик деб олинганда, масалан, А ҳарфининг кенглиги баландлигининг 7/10 қисмига тенгдир. Ҳарф чизиғининг қалинлиги эса ҳарф баландлигининг 1/10 тенг.
2-жадвал

Шрифт параметри	Белгиси	Нисбий ўлчами, D	Шрифт ўлчами
А турдаги шриф­тлар учун d= h/14
Бош ҳарф баландлиги	H	14	3.5	5.0	7.0	10.0	14.0
Ёзма ҳарф баландлиги	c	10	2.5	3.5	5.0	7.0	10.0
Ҳарфлар орасидаги масофа	a	2	0.5	0.7	1.0	1.4	2.0
Сўзлар орасидаги масофа	e	6	1.5	2.1	3.0	4.5	6.7