Kurs ishida talaba quyidagilarni aks ettirishi lozim

Kurs ishida talaba quyidagilarni aks ettirishi lozim:

1. 
   mavzu tavsifi, dolzarbligi, muammoning о‘rganilganlik darajasi;
   
2. 
   mavzu materiallarining nazariy va metodik asoslarini ochib berish;
   
3. 
   mavzuni yoritishda pedagogik texnologiyalardan foydalanish;
   
4. 
   mavzuni bо‘yicha о‘quv-didaktik materiallarni tayyorlash;
   
5. 
   xulosa va takliflar berish;
   
6. 
   foydalanilgan adabiyotlar rо‘yxatini keltirish.
   

Kurs ishining hajmi, albatta har qanday axborot tashuvchi vositalarda taqdim etiladigan ilovalardan tashqari
35 betdan kam bо‘lmasligi lozim.
Kurs ishining tuzilishi quyidagilardan iborat bо‘lishi kerak:

• 
  sarvaraq (1-ilova);
  
• 
  mundarija (2 ilova);
  
• 
  kirish;
  
• 
  bob va bо‘limlardan iborat asosiy qism;
  
• 
  xulosa;
  
• 
  adabiyotlar rо‘yxati;
  
• 
  ilovalar.
  

Kurs ishlari hajmi quyidagi jadvalda keltirilgan:
jadval

№	Bо‘limlarni nomlari	Hajmi
1	Mundarija	1 bet
2	Kirish	2-3 bet
3	Asosiy qism (bob va bо‘limlar)	25 bet
4	Xulosa va tavsiyalar	1-2 bet
5	Foydalanilgan adabiyotlar	2-3 bet

Kurs ishining kirish qismida:

• 
  tadqiqot uchun tanlangan mavzuning dolzarbligi asoslanadi;
  

• 
  muammoni yechish uchun taxmin etiladigan tadqiqot maqsadi va vazifalari belgilab beriladi;
  
• 
  tadqiqot obyektiga tavsif beriladi va yechiladigan ilmiy muammoning zamonaviy holati baholanadi.
  
• 
  Tadqiqot predmetida muammoni xal etishining metod va usullari, vositalari belgilanadi.
  

Kirish tanlangan mavzuning dolzarbligini asoslash bilan boshlanadi. Dolzarblik unchalik kо‘p bо‘lmagan sо‘zlar orqali ifodalanishi lozim.
Ilmiy muammoning dolzarbligidan tadqiqot maqsadining yakuniy ta’riflashga mantiqiy о‘tish, shu bilan birga ushbu maqsadga muvofiq holda yechish mumkin bо‘lgan aniq vazifalarni belgilash mumkin. Vazifalar asosan bir holatdan ikkinchi holatga о‘tish shaklida bajariladi: о‘rganish, tahlil qilish, ifodalash, namoyon qilish va h.k.
Ushbu vazifalarni imkon qadar puxtaroq ifodalash lozim. Chunki qо‘yilgan vazifalar yechimi ilmiy ishning asosiy mazmunini qamrab olgan holda tavsiflanadi. Shuningdek, bu ilmiy tadqiqot vazifalarining aniq ifoda etilishi aynan bob va bо‘limlar sarlavhasini vujudga keltirishda ham muhim ahamiyat kasb etadi.
Asosiy qism:

1. 
   mavzuning ilmiy-nazariy asoslari;
   
2. 
   maktabgacha pedagogika va maktabgacha metodika fanlarini о‘qitishda pedagogik texnologiyaning о‘quv jarayoniga tatbiq etish yо‘llari, uslub, shakl va vositalarini aniqlash;
   
3. 
   soha bо‘yicha olib borilgan ilmiy-tadqiqot ishlariga tahliliy-tanqidiy yondashuv.
   

Kurs ishining asosiy qismida – bajarilayotgan ilmiy ishning mazmun-mohiyatini, metodikasi va asosiy natijalarini о‘z ichiga olishi lozim. Unda ishda о‘rganilayotgan masalaning nazariy asoslari tahlil etilish jarayonida asosan ikki va uch qirrasi ajratib kо‘rsatiladi. Keyingi bandda muammoning amaliyotdagi yechimini tadqiq qilish zarur. Yа’ni bunda muammoni yechish uchun muayyan usul va metodlar keltiriladi hamda tadqiqot natijalari (ta’lim muassasalari misolida) umumlashtiriladi.
Har bir bob о‘z nomlanishiga ega bо‘lishi hamda u tugallangan ma’lumotlardan iborat 2 va 3 bо‘limlardan tarkib topishi lozim. Ishda boblarni juda maydalashga yо‘l qо‘yilmaydi. Ish asosiy qismida bob mazmuni aynan kurs ishining mavzusiga mos kelishi va uni tо‘liq yoritishi
kerak.
Asosiy qismni tashkil etuvchi bob va bо‘limlarning mazmuni kurs ishi mavzuiga tо‘liq mos kelishi va uni tо‘la ochib berishi darkor. bob va bо‘limlar talabaning qisqa, mantiqan tо‘g‘ri va dalillar keltirib tо‘plagan, tizimlashtirgan hamda tahlil qilgan materiallarini bayon etish qobiliyatini namoyish qilishi lozim. Mazkur kо‘rsatmada bob va bо‘limlar о‘zaro mantiqiy izchillikda beriladi.
Kurs ishining yakunida bajarilgan ishning natijalari bо’yicha qisqacha xulosa va unda quyilgan topshiriqlar tо‘liq yechimining baholanishi kо‘rsatilishi lozim.
Demak, kurs ishining xulosa va takliflar qismida ish mazmuni bо‘yicha ishlab chiqilgan xulosalar va aniq takliflar, erishilgan natijalar mujassamlashtiriladi. Kurs ishi ayrim boblardagi xulosalar va takliflar bilan ham tugallanishi mumkin, ammo undan eng muhimlari ishning oxirida, ya’ni xulosa bо‘limida aks ettirilishi kerak. Shuningdek, bunda ishning amaliy yо‘nalishi va axamiyati, uni bugungi kundagi yoki kelajakdagi qо‘llanilish sohasi belgilab berilishi kerak.
Foydalaniladigan adabiyotlar rо‘yxatida ilmiy ishni yozish jarayonida qо‘llaniladigan, 20-25 tadan kam bо‘lmagan barcha adabiy, ilmiy va meyoriy manbalar hakidagi ma’lumotlar qamrab olishini maqsadga muvofiqdir.
Kurs ishida iloji boricha oxirgi 5 yilda nashr etilgan adabiyotlar, ilmiy ishlardan hamda Internet yangiliklardan foydalanish tavsiya etiladi.
foydalanilgan manba va adabiyotlarning tanqidiy tahlilini tuzishda qо‘yilgan muammoni о‘rganish uchun ular nimani berishligini aniqlash, shuningdek, ularning muallifi qanday manbalarga tayanganliklariga e’tibor qaratish lozim.