Kurs ishi peregondagi xarakatni boshqarish tizimlari

5. Avtoblokirovka tizimi va ALSN tizimini tanlash

AB tizimini tanlashda uni loyihalashtirishning quyidagi ekspluatatsiya-texnik sharoitlari hisobga olinadi: peregon yo’l tarmoqlari va poyezdlarning undan harakatlanishini tashkillashtirish xarakteri, temir yo’l uchastkasining joylashgan hududi (zonasi) va u bo’ylab harakatlanadigan poyezdlar toifasi, tortuv turi va svetoforlar orasida aloqa bog’lash usuli, tashqi elektr bilan ta’minlash ishonchliligi va loyihalashtirilayotgan RS lar tipi.

AB tizimlari quyidagi xususiyatlariga ko’ra o’zaro farqlanishi ma’lum [1, 2, 3]:
1) peregonlar yo’llari rivojlanish xarakteriga ko’ra – bir izli va ikki izli;
2) poyezdlarning peregon yo’llari bo’ylab harakatlanishi tashkillashtirilishiga ko’ra – bir tomonlama va ikki tomonlama;
3) temir yo’l uchastkasining joylashish hududi va unda harakatlanish tezligi keskin farq qiladigan turli toifali poyezdlar qatnashiga ko’ra – uch belgili va to’rt belgili;
4) svetoforlar orasidagi aloqaning tashkillashtirish usuliga ko’ra – simli va simsiz (kodli);
5) tortuv turi, ta’minot tizimi va 25 yoki 50 Gs chastotali doimiy va o’zgaruvchan tokda ishlaydigan RS tipiga.
Tanlab olingan AB tizimini ALCH bilan to’ldirish talab etiladi.
Loyihalarning ushbu bandiga ko’ra izoh xatida tanlab olingan AB va ALSN tizimi nomi keltirilib, uning nima uchun tanlanganligi asoslab berlishi kerak. Ikki izli peregonlarda peregon yo’llaridan biri yopilib, ta’mirlash ishlari o’tkazilishi paytida poyezdlar harakatini tashkillashtirish bo’yicha ko’zda tutilgan choralar ko’rsatib o’tilishi shart.