Kurs ishi mavzu: Mehmonxona xo‘jaligini rivojlantirshda marketing tadqiqotlaridan foydalanish

Mundarija:

	Kirish……………………………………………...........................................
1.	Marketing tadqiqotlari tushunchasi va mehmonxonalar faoliyatida marketing tadqiqotlarining ahamiyati……………………………………………………...	7
2.	Marketingda tadqiqot usullari va ularning tasnifi……………………………...	10
3	Mehmonxona xo’jaliklari xizmatlar bozorining marketing tadqiqotlari……….	23
4.	“Toj mahal”mexmonxonasining tashkiliy va iqtisodiy tavsifi…………………	33
5.	“Toj mahal” mehmonxonasida marketing faoliyatlari tahlili….........................	38
6.	Mexmonxona xo’jaliklarida marketingni takomillashtirish yo‘nalishlari……..	42
	Xulosa va takliflar………………………………….........................................	46
	Foydalanilgan adabiyotlar ro‘yxati…….........................................................	50

Kirish
Mavzuning dolzarbligi. Ma’lumki har bir korxona raqobatda kutilmagan tadbirlarni amalga oshirish natijasida biznes sohasida yangi rivojlanish yo‘llari ortib bormoqda. Iste’molchilar va mahsulot yetkazib beruvchilar orasidagi munosabatlarni bozor tamoyillari orasida tartibga solishning bugungi bosqichida tovar ishlab chiqaruvchilarning ishlab chiqarish, sotish strategiyasini takomillashtirish, shuningdek korxonalarda marketing tadqiqotlarini o‘tkazish yo‘llarini ishlab chiqish maqsadga muvofiqdir.
Mamlakatimizda olib borilayotgan iqtisodiy islohotlar natijasida iqtisodiyotni rivojlanishini alohida ta’kidlab o‘tish zarur. Bu haqida mamlakatimiz Prezidenti Sh.Mirziyoyev ta’kidlaganidek: “Xalqaro valyuta jamg‘armasi va xalqaro reyting agentliklari tahlillariga ko‘ra, bu yilgi sinovlarga qaramasdan, O‘zbekiston dunyoning sanoqli davlatlari qatorida ijobiy o‘sish sur’atlarini saqlab qoldi.
Yevropa Ittifoqi tuzilmalari bilan yaqin hamkorlikda mamlakatimizga kengaytirilgan savdo preferentsiyalari - “GSP ” tizimini tatbiq etish bo‘yicha, muhim qadamlar tashlandi. Ushbu tizim kelgusida respublikamizda ishlab chiqariladigan 6 mingdan ziyod turdagi mahsulotlarni Yevropa bozoriga boj to‘lamasdan olib kirish imkonini beradi. Bu, o‘z navbatida, birgina to‘qimachilik mahsulotlarining yillik eksportini 300 million dollarga oshirish uchun sharoit yaratadi.
Joriy yilda mamlakatimizning xalqaro moliya bozorlariga chiqish imkoniyatlari yanada yaxshilandi, ilk bor milliy valyutada 2 trillion so‘mlik davlat yevroobligatsiyalari past foizlarda joylashtirildi.
Bu yil respublikamizda 197 ta yirik, minglab kichik va o‘rta korxonalar hamda infratuzilma ob'yektlari barpo etildi. Jumladan, “Navoiyazot”da ammiak va karbamid ishlab chiqarish kompleksi hamda azot kislotasi zavodi, Muborak, Gazli va Sho‘rtan neft-gaz korxonalarida suyultirilgan gaz ishlab chiqarish qurilmalari, Toshkent metallurgiya zavodi kabi yirik quvvatlar ishga tushirildi”¹ Bundan ko‘rinib turibdiki, mamlakatimizda iqtisodiyotning pandemiya davri va pandemiyadan keyingi iqtisodiy chekinishlar davrida ham yaxshi ushlab turilishi, makroiqtisodiy va moliyaviy barqarorlikni ta’minladi.
Bu ko‘rsatkichlarga erishishda iqtisodiyot va uning ayrim sohalaridagi mutanosiblikning kuchayishi muhim ro‘l o‘ynadi.
Korxonalarda marketing tadqiqotlarini o‘tkazish natijasida korxonaning maqsadlari marketing maqsadlari bilan o‘zaro bog’liqlikda bo‘ladi va rejalar izchil tarzda ishlab chiqiladi va amalga oshiriladi. Shuning uchun ham kurs ishi mavzusi dolzarb muammolardan biri hisoblanadi.
Har qanday korxona iqtisodiyotda samarali harakat qilish uchun o‘zining marketing tadqiqotlarini o‘tkazish yo‘llarini tanlab olishi lozim. Bunda korxonaning imkoniyatlari bozor talabiga muvofiqlashtirilib, marketing strategiyasi asosida bozorni tadqiq qilish va istiqbolini belgilash, tovar va iste’molchilarni hamda raqobatchilarni segmentlash asosida ishlab chiqiladi.
Bugungi kunda yirik korxonalar marketing tadqiqotlari natijalari o‘z muvaffaqiyatlarining garovi deb bilishadi.