Kurs ishi mavzu: Koreys tilini o’rgatish uslublari va zamonaviy metodlar. Bajardi

Tadqiqotning maqsad va vazifalari. O’quvchilarga, talaba-yoshlarga til o’rgatishdagi yangi, zamonaviy pedtexnalogiyalarni yaratish, ularni amalda qo’llash, tatbiq etish hozirgi kunda eng muhim masalalardan biri bo’lib kelmoqda. Avvalambor, chet tili va uning metodikasini o’qitishning maqsadlari jamiyatimiz va davlat manfaatlari talablariga mos kelishi va javob berishi lozim. Ushbu maqsadni amalga oshirish uchun kurs ishi oldiga quyidagi vazifalar qo’yildi:
1. Chet tili ta’limi jarayonida pedagogik texnalogiyalarni qo’llash borasida chet el va vatanimizning bir qator olimlarining nazariy fikrlari, metodlari va tavsiyalarini tanqidiy o’rganish;
2. Chet tilini o’qitish metodikasini o’rgatishda zamonaviy pedagogik texnalogiyalarni qo’llash, turli texnalogiyalardan dars jarayonida foydalanish imkoniyatlarini o’rganish;
3. Ta’lim jarayonida pedtexnalogiyalrni qo’llash, tadqiqot natijalarini ilmiy jihatdan asoslash va ularni koreys tilini o’rgatish jarayoniga tatbiq etish;
4. Chet tilini o’rgatish jarayonida zamonaviy metodlardan foydalanish borasida amaliy tavsiyalarni ishlab chiqish.
Tadqiqotning predmeti va obyekti. Ushbu “Koreys tilini o’rgatish uslublari va zamonaviy metodlar” mavzusidagi kurs ishining obyekti bo’lib chet tilini o’rganish va o’rgatish jarayonida foydalaniladigan zamonaviy pedtexnalogiyalr xizmat qiladi. Koreys tilini o’rgatish jarayonida foydalaniladigan zamonaviy pedagogik metodlar tadqiqot predmeti hisoblanadi.
Tadqiqotning tuzilishi. Kurs ishi kirish, III ta bo’limni o’z ichiga oluvchi asosiy qism, xulosa, foydalanilgan adabiyotlar ro’yxatidan iborat.
Kirish qismida mavzuning dolzarbligi ko’rsatilib, maqsad va vazifalar belgilandi. Asosiy qismda chet tilini o’qitish metodikasidagi zamonaviy metodlar haqida umumiy ma’lumot berilib, chet tilini o’qitishda zamonaviy innovatsion texnalogiyalardan foydalanish, chet tili darslarida interfaol usullardan foydalanish haqida to’xtaldi. Xulosada o’rganilib chiqilgan tajribalarga muvofiq chiqarilgan fikrlar bayon etildi. Foydalanilgan adabiyotlar ro’yxatida ishni amalga oshirishda qo’llanilgan darslik, jurnal va o’quv qo’llanmalar hamda adabiyotlar keltirildi.