Курс иши мавзу: иншоотлар чўкиши ва горизонтал силжишини геодезик усуллар билан кузатиш

2.5. Замин реперлари ва чўкиш маркаларини жойлаштириш учун жой танлаш
Чуқурлик реперлари металли, қўшметалли ва қўшторли бўлиши мумкин. Чуқурлик реперларининг бўйи 2м дан 100м гача ва ундан ҳам узунроқ бўлиши мумкин. Реперларни қурилаётган иншоот босими таъсир доирасидан 50-100 м нарироқда ўрнатиш керак.
Чуқурлик реперлари иншоот деворининг чўкиши нивелирлашнинг 1 – даражали нивелирлаш аниқлигида бажарилиши лозим бўлгандагина ўрнатилади. Агар иншоот чўкиши нивелирлашнинг 2 – ва 3 – даражали нивелирлаш аниқлигида бажарилса, унда замин ва девор реперлари ўрнатилади. Замин реперлари эса тўрт донадан кам бўлмаслиги керак.
Белгилар эса тахминан бир хил баландликда чўкиш ёриқларининг икки томонига, бўйлама ва энлама деворларнинг кесишган жойларида оралиғи 10-15м қилиб ўрнатилади.
Доира шаклидаги иншоотлар, миноралар, гумбазларнинг пойдевори устига ўрнатиладиган белгилар уларнинг тўрт томонига ўрнатилади. Белгилар сони тўрттадан кам бўлмаслиги керак.
Реперлар кўп вақтгача сақланадиган қилиб барпо этилади. Уларнинг турғунлик даражаси

ифодадан топилади. Бу ерда n – станциялар сони;
биргина станциядан аниқланадиган нисбий баландликнинг ўртача квадратик хатоси. 1 - даражали нивелирлаш учун бу қиймат ±0,15мм ни, 2 – даражали нивелирлаш учун ±0,5мм ва 3 - даражали нивелирлаш учун ±1,0мм ни ташкил этади.


2.6. Замин реперлари ва чўкиш маркаларини жойлаштириш схемаси



4-расм. Нивелирлаш чизмаси
Мўри қувурларининг диаметри 6м, баландлиги 30м, учининг диаметри 2м. Турбогенераторларнинг ўлчами 12х20м, буғ қозонлариники 6х20м. Чуқурлик реперларидан нивелирлаш елкаси 20м, қўшни станциялар ораси 40м. Буғ қозонлари, мўри қувурлари ораси 10м. Замин реперлари (ГР1, Гр2)нинг ҳар бири 3 фундаментал реперлардан иборат. Фундаментал реперлар эса учи 30х30см, баландлиги 2,5м бўлган, остининг ўлчами 100х100см, 100х100х10см бўлган плита устига қўйилади. Буларнинг ҳаммаси чуқурлиги 2,5м бўлган котлаванда монтаж қилинади. Репер ичига бетон ва арматурадан иборат, устига эса 20х20см қалинлиги 10мм бўлган метал плотина устига чўкиш маркаси сварка қилинган.