Kurbanova durdona salaxitdinovna gimnastika va uni o

3. BADIIY GIMNASTIKA SPORT TURIDA YAROQLILIKNI ANIQLASH 
VA SARALASH 
3.1. Badiiy gimnastikaga tanlov
Ma’lumki, sportda erishiladigan yutuqlarga sport bilan shug’ullanmoqchi 
bo’lganlarning hammasiga ham nasib etavermaydi. Tanlagan sport turiga xohish, 
o’ziga xos qobiliyat bilan mos kelishi kerak. 
Sport yo’nalishi
va saralanish, tanlov asosida birqancha xohlovchilarning 
ichidan faqat qobiliyatlilarigina, qobiliyatlilar tarkibidan esa, iqtidorlilari tanlab 
olinadi. Sport yo’nalishi va tanlov bir xil tushunchalar emas. Sport yo’nalishida 
insonning qobiliyati va iste’dodi o’rganiladi, shunga ko’ra unga u yoki bu sport turini 
tanlash tavsiya etiladi. 
 Sport tanlovi
– yuqori mahorat ustasi o’rnini egallay oladigan, iste’dodli, 
qobiliyatli shaxslarni qidirishga yo’naltirilgan. Shuning uchun sportga yo’naltiril-
ganlik, ko’proq shaxsning qiziqishidan iborat bo’lib, sportdagi tanlov bo’lsa sport 
turiga bo’lgan qiziqishidan kelib chiqadi. 
Tanlovning maqsadi
shug’ullanuvchining 
maqsadi – o’rnatilgan talablarning shug’ullanuvchining qobiliyati bilan mos 
kelishidir. 
Qobiliyat 
– bu shaxsning anatomik-funksional va individual, psixik 
xususiyati bo’lib, uning sportdagi muvaffaqiyatlarini belgilaydi. Qobiliyat – bilimga, 
bajara olishga yoki ko’nikmaga bog’liq emas, u tezlik, yengillik va rivojlanishning 
eng yuqori “cho’qqi”sini bajara olish bilan belgilanadi. Badiiy gimnastika 
mashg’ulotlarida iste’dodlilarni aniqlash – bu uzoq muddatli, qiyin va murakkab 
jarayondir. Negaki, morfotipga bo’lgan intilish, qobiliyat, texnik rivojlanish va 
ifodaliylikka bo’lgan talab borgan sari kuchayib (o’sib) bormoqda. 
Tanlov – bu gimnastikachilarni tayyorlash tizimining asosi hisoblanadi. U 
ko’p yillik tayyorlgarlikning barcha bosqichlarida muhim hisoblanib, har bir 
bosqichda o’ziga xos funksiyalarni va masalalarni hal qiladi. Sxema bo’yicha u 
quyidagi ko’rinishga ega.