Курашиш дарслик “Akademiya” Тошкент – 2022

Назорат саволлари
1. Коррупциявий ҳолатларни юзага келтирувчи манфаатлар тўқ-
нашуви деганда нима тушунилади?
2. Коррупцияга оид ҳуқуқбузарликлар деганда нима тушунилади?
3. Коррупциявий жиноятлар келиб чиқишининг, шартли равишда, 
қандай омиллар билан боғлаш мумкин?
4. Коррупциявий жиноятларнинг содир этилишига шароит яратувчи 
омиллар бу иллат устидан ташкилий-бошқарув ва ижтимоий назорат 
етарли эмаслиги ҳисобланади. Уларга нималар киради?
5. Коррупциявий фаолиятдан келадиган фойдани камайтиришга 
қаратилган чораларга нималарни киритиш мумкин?
6. Коррупцияга оид ҳуқуқбузарликлар тўғрисида ахборот бераётган 
шахслар қандай ҳимоя билан таъминланади?
7. Давлат органлари ходимларининг коррупцияга оид ҳуқуқбу-
зарликлар фактлари тўғрисида хабар қилиш мажбурияти: муаммо ва 
ечимлар.
8. Ўзбекистон Республикасида коррупциявий жиноятлар содир эти
-
лишининг олдини олишда қандай йўналишлар мавжуд?
9. Коррупциявий жиноятлар содир этилишига сабаб бўлган қандай 
омиллар мавжуд?
10. Коррупциявий жиноятлар содир этилишини профилактика ишла
-
ринг қандай усуллари мавжуд?
11. Ўзбекистон Республикаси қонунчилигида “мансабдор шахс” 
тушунчаси қайси қонунчилик актида белгиланган?
12. Мансабдор шахслар томонидан содир этилган қайси қилимишлар 
коррупцион жиноятлар сифатида баҳоланиши мумкин?

---

160
IX БОБ. ДАВЛАТ БОШҚАРУВИДА КОРРУПЦИЯНИНГ ОЛДИНИ 
ОЛИШ МАСАЛАЛАРИ 
9.1. Давлат бошқаруви соҳасида коррупциянинг
олдини олишга доир чора-тадбирлар
Янги Ўзбекистонни барпо этишда айнан инсон қадр-қимматини 
олий даражага кўтариш, жамиятда адолат ва қонун устуворлигини сўзсиз 
таъминлаш каби юксак ғояларга таянилмоқда. Давлат бошқарувида 
бу йўлдаги ислоҳотлар натижадорлигига салбий таъсир кўрсатаётган, 
тараққиётга тўсиқ бўлаётган бир қатор омиллар, иллатлар ҳали ҳам 
сақланиб қолмоқда. Улардан бири ва энг хавфлиси коррупция иллатидир. 
Коррупцияга қарши курашишда ислоҳотлар кетаётган даврда ўз 
вақтида профилактик чораларнинг кўрилмаслиги аҳолининг давлат ва 
ислоҳотларга ишончини сўндириши, жамиятда норозилик кайфиятини 
кучайтириши билан ҳам ғоят хатарлидир. Буни мамлакат хавфсизлигига 
дахл қиладиган ҳолат сифатида баҳолаш мумкин.