Кўрсатма Талаба якуний назорат ёзма ишини тайёрлаш ва юборишда қуйидагиларга риоя қилиш лозим

Кўрсатма
Талаба якуний назорат ёзма ишини тайёрлаш ва юборишда қуйидагиларга риоя қилиш лозим:
1. Талаба ўзига тегишли курснинг excel форматидаги файлни очиши, ундаги фанлар кесимида ўзига бириктирлиган саволлар ва казусларнинг рақамларини билиб олиши;
2. Саволлар базасида тегишли курслар кесимида дарс машғулотлари ўтилган фанлар учун тузилган саволлар ва казусларнинг рақамланган рўйхати келтирилган. Талаба ушбу рўйхат ичидан ўзига бириктирлиган саволлар ва казусларни (юқорида келтирилган тартибда билиб олган рақамларни) танлаши лозим.
“Юристнинг ёзма нутқи”, Юристлар учун ўзбек (рус) тили ва Амалий ўзбек (рус) тили фанларидан фан хусусиятидан келиб чиқиб, 3 бўлимдан иборат саволлар танланади.
“ЮРИСТЛАР УЧУН ХОРИЖИЙ ТИЛ” ва “ХОРИЖИЙ МУТАХАССИСЛИК ТИЛИ” модулларидан якуний назорат саволлари фани хусусиятида келиб чиқиб, ЯКУНИЙ НАЗОРАТ ИМТИХОНЛАРИ БОШЛАНГАНДАН СЎНГ тақдим этилди.
3. Талаба ўзига бириктирилган 2 та мантиқий савол ва 1 та казусга жавоб бериши шарт. 2 та мантиқий савол ва 1 та казус ёзма иш матнидан акс этиши лозим. 2 та мантиқий савол ва 1 та казус матнидаги сўзлар ёзма иш учун ажратилган сўз миқдорига кирмайди.
4. Якуний назорат ёзма иши талаба томонидан компьютерда Microsoft Word дастурини қўллаган ҳолда, «Times New Roman» 14 шрифтда,
1,2 қаторлараро интервалда тайёрланиши ва А4 форматда PDF (Portable Document Format) шаклда сақланган бўлиши керак. Файл номланиши талабанинг курси, гурухи ва ФИШ ни акс эттириши керак.
Саҳифа ўлчами: саҳифа мўлжали китоб шаклида, юқори ва пастки майдони — 2 см, ўнг тараф — 1,5 см, чап тараф — 3 см ни ташкил этиши керак.

5. Якуний назорат ёзма иши талаба томонидан мустақил равишда ёзилиши шарт.

Талаба учун ёзма ишни бошқа шахс ёзиб бериш ҳолати аниқланганда, шунингдек текшириш вақтида икки ёки ундан ортиқ (иш мазмунининг 2/3 дан ортиғи) ўхшаш ёзма ишлар талабанинг кўчирганлиги ҳолатига асос бўлади ва талабаларга ноль балл қўйилади.
Шифрланган ишни баҳолашнинг объективлигига таъсир кўрсатувчи ҳолатлар аниқланганда, шу жумладан сўзнинг устига ёки тагига чизиш ёхуд атрофини чизиб қўйиш, ишда текширувчи шахс номига мурожаатнинг мавжуд бўлиши, жавоблар варағининг турли қисмларига (шу жумладан, очиқ қолдирилган жойларига) график белгилар қўйиш, иш матнида талабанинг фамилияси, исми, отасининг исмини кўрсатиш ҳолатлари мавжуд бўлганда, иш учун ноль рейтинг балли қўйилади.
6. Талаба ўзининг курси, гурухи ва ФИШ ни акс этган PDF шаклдаги файлни ўзининг логин ва паролидан фойдаланган ҳолда Талабалар рейтингини аниқлаш электрон тизими (SRS) (https://srs.tsul.uz)даги шахсий кабинетида келтирилган фанлар учун ажратилган назорат ишини юклаш менюсига кириб тегишли якуний назорат ишни юклайди.
7. Талаба юклаган якуний назорат ишини қабул қилинганлигини шахсан текшириши лозим. Агар “Ишни қабул қилиш” менюсида “Ҳа” деган белги акс этган бўлса демак талабанинг иши қабул қилинган бўлади.