Кўрсаткичлар

1-мисол

Корхона электроплиталар ишлаб чиқаради ҳамда ойига 400 дона плитани 250 сўмдан (ҚҚСсиз) реализация қилади. Ўзгарувчан харажатлар 150 сўм/бирликни, доимий харажатлар 35 000 сўм/ой ташкил қилади.

Кўрсаткичлар	Маҳсулот бирлиги учун, сум	%	Бирликдаги улуши
Реализация баҳоси	250	100	1
Ўзгарувчан харажатлар	150	60	0,6
Маржинал даромад	100	40	0,4

Корхона молиявий менежери сифатида қуйидаги саволларга жавоб беринг:

1. Маркетинг бўлими бошлиғининг фикрига кўра, реклама харажатларини ойига 10 000 сўмга ошириш ойлик реализация тушумини 30 000 сўмга ўсишини таъминлайди. Реклама харажатлари оширилишини маъқуллаш керакми?
2. Бош директорнинг ишлаб чиқариш бўйича ўринбосари маҳсулот бирлиги бўйича 25сўм ўзгарувчан харажатларни тежашга имкон берувчи арзонроқ материаллардан фойдаланишни истамоқда. Лекин сотиш бўлими бошлиғи плиталар сифатининг пасайиши реализация ҳажмини ойига 350 бирликкача пасайтириши мумкинлигидан хавотирини билдирди. Арзонроқ материалларни ишлатишга ўтиш мақсадга мувофиқми?
3. Маркетинг бўлими бошлиғи реализация баҳосини 20 сўмга пасайтиришни ҳамда шу билан бирга реклама харажатларини ойига 15 000 сўмга етказишни таклиф қилмоқда. Маркетинг бўлими ушбу ҳолатда реализация ҳажми 50%га ошишини прогноз қилмоқда. Ушбу таклифни қабул қилиш керакми?
4. сотиш бўлими бошлиғи ўз ходимларига меҳнатига ҳақ тўлашни ойлик маошдан (ойлик иш ҳақи фонди 6 000 сўм) сотилган ҳар бир плита учун 15 сўм мукофот кўринишидаги комиссия тўловларига ўтказишни таклиф қилмоқда. У сотиш ҳажми 15%га ошишига ишончи комил. Ушбу таклифни қабул қилиш керакми?
5. Маркетинг бўлими бошлиғи сотишни рағбатлантириш ва ойлик улгуржи сотишни қўшимча 150 плитагача етказиш учун улгуржи савдо баҳосини пасайтиришни таклиф қилмоқда. Фойда 3 000 сўмга ошиши учун қўшимча маҳсулотларга улгуржи сотиш баҳосини қанчадан белгилаш керак?