Krivoship-shatun mexanizmi silindrlar bloki va kallagi

MAXOVIK VA KARTER PODDONI. DVIGATEL OSMASI
Maxovik salmoqli disk bo'lib, cho’yandan quyish usuli bilan tayyorlanadi. U tirsakli valning bir tekis aylanishini ta'minlaydi (bu ayniqsa, kichik chastotali aylanishlarda o‘ta muhimdir) hamda aylantiruvchi lahzani avtomobil transmissiyasiga uzatadi. Maxovik to'g'iniga, dvigatelni yurgazishda tirsakli valni startyor bilan aylantirish uchun mo'ljallangan tishli po‘lat gardish siqib o'tkazilgan.
Ba’zi dvigatellarda maxovikka belgilar qo‘yiladi yoki po'lat zoldir (шарик) siqib o‘matiladi. Bu belgilarga qarab, birinchi silindr porsheni YCHN ga keltiriladi va o‘t oldirish holati tekshiriladi.
Poddon karterning pastki qismi bo'lib, u karterni chang va kirlar tushishidan saqlaydi va moy uchun idish vazifasini o'taydi. Uni po'latdan shtamplab yoki yengil qotishmadan qo‘yib tayyorlanadi. Poddon boltlar yoki shpilkalar yordamida mahkamlanadi. Blok-karter va poddonning tutashish sirtiga po'kak pona (qistirma) qo'yib zichlanadi. Tutashish sirti tirsakli valning o‘qidan pastda joylashganligi sababli karterning bikrligi (mahkamligi) ortadi.
Dvigatel osmalari yoki boshqacha qilib aytganda, dvigatelni ramaga elastik biriktirish moslamalari majmuyi, ramaning uchta yoki to‘rtta nuqtasiga o'rnatiladi. Dvigatel blokiga tayanch sifatida maxsus kronsh- teynlar (panjalar) mahkamlanadi. Orqa tayanch vazifasini ba’zan Hashish muftasi karterining panjalari yoki uzatmalar qutisining uzaytirgichi hajaradi. Tayanchlar ostiga rezina yostiqchalar yoki prujinalar qo'yiladi. Bu elastik elementlar, aylantiruvchi lahzaning notekisligi va to‘la muvozanatlashmagan harakatlanuvchi qismlar yuzaga keltiradigan dvigatelning tebranishlarini (vibratsiyasini) kamaytiradi hamda avtomobil notekis yo'ldan harakatlanayotganda ramadan dvigatelga ta’sir etuvchi zarblarni yumshatadi.
Elastik tayanchdagi dvigatel osmalari bo'ylama ko'chishni chega- ralovchi, tortqi (тяга) yoki skoba ko'rinishidagi cheklagichlarga ega. Ba’zan dvigatelni ramaga nisbatan ko'chishini chegaralash uchun reaktiv tortqilar ishlatiladi.