Kredit-modul tizimi tarixi

kredit-modul tizimi tarixi.
Ta'lim jarayonini tashkil etishning kredit-modul tizimi modulli ta'lim texnologiyalari va ta'lim bo'linmalarining kreditlari yoki kreditlari kombinatsiyasiga asoslangan o'quv jarayonini tashkil etish modelidir.
Ushbu tizim tarixi 1970-yillarning o'rtalariga borib taqaladi. Evropa Ittifoqida ta'lim sohasidagi hamkorlikni rivojlantirish, Yevropa Itttifoqi mamlakatlari ta'lim tizimlarini yaqinlashtirish va uyg'unlashtirish maqsadida yevropa oliy ta’lim muassasalarida kredit-modul tizimi keng qo’llanila boshlandi. Hozirgi kunda dunyoning ko’plab rivojlangan mamlakatlari ta’lim muasssalarida Ta'lim jarayonini tashkil etishning kredit-modul tizimi joriy etilgan. 1999-yil 19-iyunda Yevropaning 29 ta davlati taʼlim vazirlari tomonidan “Yevropa oliy taʼlim hududi” deklaratsiyasi yoki Boloniya deklaratsiyasi qabul qilindi. Ushbu deklaratsiya muvaffaqiyat kaliti sifatida talabalarning mobilligini sezilarli darajada rivojlantirish, Oliy ta'limda, ayniqsa, o'quv dasturlarini ishlab chiqish, institutlararo hamkorlik, harakatchanlik sxemalari va qo'shma o'quv dasturlari, amaliy mashg'ulotlar va tadqiqotlar sohalarida zarur bo'lgan munosabatlarini ilgari surish kabi jihatlarni etirof etish mumkin.
Hozirgi davrda mazkur kredit o‘lchovi tizimini o’quv jarayonlariga tatbiq etish bo‘yicha dunyoda to‘rtta modeli keng tarqalgan. AQShning kredit tizimi (USCS); Yevropa mamlakatlarining kredit tizimi (ECTS); Osiyo — Tinch okeani mamlakatlarining kredit tizimi (UCTS); Buyuk Britaniyaning kredit tizimlari shular jumlasidandir (CATS).
Yangi islohotlar davrida mamlakatimiz oliy ta’lim tizimini isloh qilish va yanada rivojlantirish maqsadida prezident Shavkat Mirziyoyevning 8-oktabr kuni imzolangan “O‘zbekiston Respublikasi oliy ta’lim tizimini 2030-yilgacha rivojlantirish konsepsiyasini tasdiqlash to‘g‘risida”gi farmoni e’lon qilindi. Ushbu farmonda asosiy maqsad etib yurtimizdagi kamida 10 ta oliy ta’lim muassasasini xalqaro e’tirof etilgan reytinglar safiga kiritish hamda oliy ta’lim muassasalarida o‘quv jarayonini bosqichma-bosqich kredit-modul tizimiga o‘tkazish belgilandi.
Yurtimizda ushbu tizimni joriy etish uchun jahonda eng keng tarqalgan Yevropa kredit tizimi – ECTS tanlandi.