Косонсой туман хтбга қарашли 22-мактабда "Сўнгги қўнғироқ" тадбирини ўтказилганлиги юзасидан

Косонсой туман ХТБга қарашли 22-мактабда “Сўнгги қўнғироқ” тадбирини ўтказилганлиги юзасидан
ЁЗМА АХБОРОТ
Мактаб ҳовлиси байрамона безатилиб, ўқувчилар сафландилар. Карантин қоидаларига риоя этган ҳолда тадбир Ўзбекистон Республикаси Давлат мадҳияси билан бошланди. Тадбирга мактабнинг барча синф ўқувчилари ва педагогик жамоаси таклиф этилган меҳмонлардан Туман хокимлиги вакили Б.Рахимбоев, Равот МФЙ раиси Ғ. Бобоев, хотин-қизлар маслаҳатчиси И.Қосимова, туман ХТБ “Баркамол авлод” болалар мактаби тўгарак раҳбари Н.Шерова, Равот МФЙ ёшлар билан ишлаш буйича етекчи У.Қуролов, Косонсой ИИБ профилактика инспектори Н.Рахимжонов, Туман ЁХБ бўлими ходими З.Аҳмаджоновлар иштирок этишди ва самимий тилакларини билдириб битирувчиларга бундан кейинги ўқишларини олий даргоҳларда давом эттириб Ватанамизга хизмат қиладиган етук ва салоҳиятли кадрлар бўлиб етишишларини тилаб қолишди.
Тадбирда мактаб ўқув ишлари бўйича директор ўринбосари Ҳ.Тожихонова Ўзбекистон Республикаси Президенти Шавкат Мирзиёевнинг битирувчи ўқувчиларга табириги ўқиб эшиттирди. Бунда:
“Азиз фарзандларим! Қадрли мактаб битирувчилари! Аввало, барчангизни беғубор ўқувчилик йилларингизни ортда қолдириб, қадрдон мактабингиз, меҳрибон устозларингиз билан хайрлашиб, ҳаётингизнинг янги, янада масъулиятли босқичига қадам қўяётганингиз билан чин қалбимдан муборакбод этаман. Бу нафақат сиз, азиз фарзандларимиз, балки биз – ота-оналар, устоз-мураббийлар учун ҳам ғоят қувончли ва ҳаяжонли воқеадир. Чунки, қалби пок орзу-умидлар билан тўлган сизлар каби навқирон, азму шижоатли ёшларимиз тимсолида биз учун ҳал қилувчи аҳамиятга эга бўлган таълим-тарбия соҳасидаги саъй-ҳаракатларимизнинг яна бир амалий натижасини, халқимиз ва Ватанимиз келажагини кўрамиз. Ишончим комил, янги Ўзбекистон шароитида, замонавий тараққиёт талаблари асосида таълим-тарбия олган ёш авлод вакиллари сифатида барчангиз давлатимиз, халқимиз томонидан яратилаётган имкониятларни қадрлаб, улардан янада самарали фойдаланасиз, ўз олдимизга улкан мақсадларни қўйиб, уларга эришишнинг энг муҳим омили сифатида таълим-тарбия соҳасига жуда катта аҳамият бермоқдамиз. Ўрганиш, изланиш ва интилишдан асло тўхтаманг! Сизларни мактаб таълимини муваффақиятли тугатганингиз билан яна бир бор самимий табриклайман.Барчангизга сиҳат-саломатлик, ишда ва ўқишда, шахсий ҳаётда катта ютуқ ва омадлар тилайман.Мустақил ҳаёт сари ташлаётган илк дадил қадамингиз қ утлуғ ва муборак бўлсин!”-дея сўз юритилди.
Шу билан бирга тадбирга Ўқувчиларни рақс ва қўшиқлари айниқса мактабнинг 8-синф ўқувчиси М.Усубжонова айтган қўшиқ меҳмонларга, ўқувчиларга кўтаринки руҳ бағишлади. Барча соҳаларда юқори натижаларга эришган билимли, иқтидорли ўқувчиларимиз эсдалик совғалар билан тақдирландилар. “Сўнгги қўнғироқ” кунига бағишланган байрам тадбири кўтаринки руҳда ўтди.

Мактаб директори М.Баротова

Мактаб тарғиботчиси: А.Базаров

Д А Л О Л А Т Н О М А

Косонсой туман 24.05.2022 йил

Бизлар ким имзо чекиб далолатнома тузувчилар 22-умумий урта таълим мактаби директори М.Баротова, ММИБДЎ Н.Бозоров, касаба уюшма раиси Г.Мамадалиева, хўжалик мудири М.Юсубжонов, Косонсой ИИБ профилактика инспектори Н.Рахимжонова, қоравул Э.Бозоровлар шу ҳақдаким 24.05.2022 йил куни мактаб чердаклари, ўқув бинолари ва қўшимча биноларни кўздан кечирганимизда ҳеч қандай нохушликлар аниқланмади. Мактаб биноси “Сўнгги қўнғироқ” тадбирини ўтказиш учун тайёр.

Далолатномага имзо чекувчилар

Мактаб директори М.Баротова

ММИБДЎ Н.Бозоров
Касаба уюшма раиси Г.Мамадалиева
Хўжалик мудири М.Юсубжонов
Косонсой ИИБ профилактика
инспектори Н.Рахимжонов
Қоравул Э.Бозоров