Косо туман халқ таълими 36-умумий ўрта таълим мактаби

Косон туман халқ таълими 30-умумий ўрта таълим мактаби директорининг
Буйруғидан (кўчирма)

Косон туман халқ таълими бўлими мудирининг 2017 йил 5-октябрдаги “2017-2018 ўқув йилида таълим сифати мониторинги тизимини янада такомиллаштириш ва ташкил этиш тўғрисида”ги 167-сонли буйруғи ҳақида

Ўзбекистон Республикаси Конституцияси, “Таълим тўғрисида”ги Қонуни ва “Кадрлар тайёрлаш миллий дастури”, Ўзбекистон Республикаси Президентининг “Ўзбекистон Республикасини янада ривожлантириш бўйича Ҳаракатлар стратегияси тўғрисида”ги ПФ-4947-сонли Фармони, 2017 йил 8 августдаги “Ўзбекистон Республикаси Халқ таълими вазирлиги фаолиятини такомиллаштириш тўғрисида”ги ПҚ-3180-сонли қарори, Вазирлар Маҳкамасининг 2017 йил 15 мартдаги “Умумий ўрта таълим тўғрисидаги низомни тасдиқлаш тўғрисида”ги 140-сонли, 2017 йил 6 апрелдаги “Умумий ўрта ва ўрта махсус, касб-ҳунар таълимининг давлат таълим стандартларини тасдиқлаш тўғрисида”ги 187-сонли, 2013 йил 8 майдаги “Узлуксиз таълим тизими учун чет тиллардан давлат таълим стандартларини тасдиқлаш тўғрисида”ги 124-сонли қарори ва 2017 йил 25 июлдаги 803-Ф-сонли Фармойиши ижросини таъмилаш, таълим-тарбия жараёнига педагогик инновацияларни жорий этиш ҳолатини ва таълим мазмунини такомиллаштириш, таълим-тарбия самарадорлигига эришиш ҳамда Ўзбекистон Республикаси Халқ таълими вазирининг 2017 йил 16 сентябрдаги 2017-2018 ўқув йилида таълим сифатини мониторинги тизимини янада такомиллаштириш ва ташкил этиш тўғрисида”ги 299-сонли ҳамда вилоят халқ таълими бошқармасининг шу мазмундаги 2017 йил 22 сентябрдаги 198-сонли ва туман халқ таълими мудирининг шу мазмундаги 2017 йил 5 октябрдаги 167-сонли буйруқлари ижросини таъминлаш мақсадида

Б У Ю Р А М А Н :
1. Ўзбекистон Республикаси Халқ таълими вазирининг 2017 йил 16 сентябрдаги 2017-2018 ўқув йилида таълим сифатини мониторинги тизимини янада такомиллаштириш ва ташкил этиш тўғрисида”ги 299-сонли ҳамда вилоят халқ таълими бошқармасининг шу мазмундаги 2017 йил 22 сентябрдаги 198-сонли ва туман халқ таълими мудирининг шу мазмундаги 2017 йил 5 октябрдаги 167-сонли буйруқлари раҳбарлик ва ижро учун қабул қилинсин.
2. Мактаб педагогика кенгаши томонидан мактабда уч ўқув йили 2017-2020 йилларда таълим сифати мониторингини амалга ошириш режаси 1-иловага, мониторинг ўтказиш тартиби 2-иловага, таълим сифати мониторинги томонидан мактабда мониторинг ўтказиш жадвали 3-иловага мувофиқ тасдиқлансин.
3. Таълим сифати мониторинги гуруҳи томонидан 2017-2018 ўқув йилининг 1-чораги 2017 йилнинг октябрь ва ноябрь ойларида, 2-чораги декабрь ва 2018 йилнинг январь ойларида, 3-чораги феврал ва март ойларида, 4-чораги апрел ва май ойларида мониторинг ўтказилиши таъминлансин.
4. Мактаб мониторинг хизмати бошлиғи М.Нуралиевага:
Малака мутахассисларни жалб қилган ҳолда 2 та вариантда назорат материалларини, ўқувчилар, ўқитувчилар, таълим муассасаси раҳбарлари учун саволномалар ва мониторинг натижаларини умумлаштирадиган электрон дастурни тайёрлаш:
Ишчи гуруҳига жалб этилган услуб бирлашма раҳбарларига 2017 йилнинг октябрь ойида ўқув-семинар ташкил этиш:
Таълим сифати мониторинги натижаларини таҳлил этиш ҳамда мониторинг жараёни якунлангандан сўнг режада кўрсатилган муддатда педагогика кенгаши ва ишлаб чиқариш йиғилишларида муҳокама қилинсин.
5. Ушбу буйруқ ижросини назорат қилишни ўз зиммамда қолдираман.

Косон тумани

2017-йил 6-октябр
“30”-сон