Korxonaning moliyaviy holati va moliyaviy resurslari statistikasi

Moliyaviy tahlil quyidagi xususiyatlarga ega:

• 
  moliyaviy tahlilning natijalaridan hamma foydalanishi mumkin;
  
• 
  moliyaviy tahlilning subyektlari va bu tahlilning yakunlaridan foydalanuvchi organ, korxona, tashkilotlar tarkibi keng hajmga ega;
  
• 
  moliyaviy tahlil hamma uchun moslangan, nashr etilgan hisobot ma’lumotlariga asoslanadi;
  
• 
  moliyaviy tahlil korxonalar ichki boshqaruv muammolarini yechish uchun o‘tkaziladi;
  
• 
  moliyaviy tahlilning yo‘nalishi moliyaviy hisobot ma’lumotlari bilan cheklangan bo‘lib, unda chegaralangan aniq bir vazifalar yechiladi. Bu moliyaviy mustahkamlik, balans likvidligi, foyda, rentabellik darajasi va boshqalardir.
  

Ko‘rinib turibdiki, korxonalarning moliyaviy holatini tahlil qilish keng miqyosda va aniq vazifalarni bajarish uchun o‘tkaziladi. Korxonalarni ishlab chiqarish, xo‘jalik faoliyatining moliyaviy holatini tahlil qilish uchun an’anaviy, qadimdan qo‘llanilib kelinayotgan usullar bilan birga, keng tarzda statistika usullari, moliyaviy holatni ifodalovchi ma’lumotlarni yig‘ish va umumlashtirish, statistik kuzatishlarni o‘tkazish, absolut, nisbiy, o‘rtacha, dinamik ko‘rsatkichlardan foydalanish, dinamik qatorlardan, iqtisodiy indekslar tizimidan, omillararo korrelatsiya aloqalarini aniqlash, jadval va chizma tizimidan foydalanish lozim.

Shu o’rinda yuqoridagilarga asoslanib, qisqa ma’lumotlarni berib o’tsak:

• 
  Statistika usullari: Statistik kuzatish(birlamchi ma’lumotlarni yeg’ish), svodkalash va guruhlash, statistic jadvallar va grafiklar(ma’lumotlarni umumlashtirish, ma’lumotlarni taqdim etish), tanlanma kuzatish, o’rtacha miqdorlar usuli, variatsion tahlil, korrelatsion va regression tahlil, dinamik qatorlar usuli, indeks va hakazo(ma’lumotlarni tahlil qilish).