Korrektsion pedagogika reja: Korrektsion pedagogikaning predmeti va mohiyati

2. “Nima uchun” metodi talabalarda o’rganilayotgan muammo yoki masala mohiyatining yorituvchi sabablarni aniqlash yuzasidan mustaqil fikr yurita olish qobiliyatini shakllantirishga xizmat qiladi. Metodni qo’llash jarayonida talabalar muammo (masala)ning yechimini topishga tizimli, ijodiy yondashishlari, shu bilan birga sabablarni tahlil tahlil qila olish talab etiladi. Mashg’ulotlar jarayonida metodni qo’llash quyidagi tartibda amalga oshiriladi: 1) o’qituvchi talabalarni metodning mohiyati va shartlari bilan tanishtiradi; 2) talabalar kichik guruhlarga biriktiriladilar; 3) o’qituvchi guruhlarga o’rganilayotgan mavzu bo’yicha ma’lum masalalarni topshiradi; 4) guruhlar masalaning yechimini ifodalashi zarur bo’lgan sxemani yaratadilar; 5) sxenmada muammo (yoki masala)ning yuzaga kelish sabablari aks ettiriladi; 6) guruhlar ishlari jamoada muhokama qilinadi.

Metodni qo’llash shartlari quyidagicha: 1. Sxemada aks etadigan shakllar (aylana, to’g’ri to’rtburchak, kvadrat yoki uchburchaklar)ni talabalarning o’zlari mustaqil tanlaydilar. 2. Sxemaning tarkibiy tuzilishi – mulohazalar zanjirining to’g’ri chiziqli yoki to’g’ri chiziqli emasligi ham talabalar tomonidan belgilanadi. 3. Yo’nalish ko’rsatkichlari talabalarning dastlabki holatdan yechimni topishgacha bo’lgan faoliyatlari mazmunini ifodalaydi.