Korrektsion pedagogika reja: Korrektsion pedagogikaning predmeti va mohiyati

3. “Bahs-munozara” metodi ikki yoki undan ortiq shaxslar tomonidan muayyan vaqt oralig’i va qat’iy qoidalarga muvofiq tashkil etiladigan og’zaki bahsi bo’lib, talabalarda o’rganilayotgan mavzu bo’yicha erkin, asosli fikrlarni bildirish qobiliyatlarini shakllantirishga xizmat qiladi. O’quv mashg’ulotlarida bahs-munozaradan foydalanishda mavzuga doir ma’lum masalalar hal qilinadi. Metodni qo’llashda quyidagi tartibda ish ko’riladi: 1) bahs-munozara uchun tanlanadigan mavzu (masala) talabalarga oldindan ma’lum qilinadi; 2) jarayon boshlovchi tomonidan boshqarilib boriladi; 3) talabalar individual yoki guruh (juftlik) nomidan bahs yuritilayotgan masala bo’yicha shaxsiy mulohazalarni bayon qiladilar; 4) bahsda masalaning mohiyati, yechimi bo’yicha bir-biriga zid fikrlar ilgari suriladi; 5) yechim bo’yicha asosiy fikrni bayon etadigan talabalarga 10 minut, qo’shimcha qilish istagida bo’lganlarga esa 5 minutdan vaqt beriladi; 6) bir talabaga ikki marta so’zga chiqishga ruxsat etilmaydi; 7) boshlovchi talabalarning mavzudan chetga chiqmasliklarini qat’iy nazorat qilib boradi, bordi-yu, shunday holatlar sodir etilsa, so’zlovchilar bu haqida ogohlantiriladilar; 8) bahs-munozara yuzasidan yakuniy xulosa boshlovchi tomonidan bildiriladi.