Korporativ Boshqaruvning zamonaviy standartlarini joriy etishda aksiyadorlarning rolini kuchaytirish yo’llari Ilmiy mudir

Kalitli so'zlar: korporativ boshqaruv, Aksiyadorlik jamiyati, aksiyador, me'yoriy hujjatlar, , investor, aktsiya emissiyasi.

Kirish

Mustaqillikka erishganimizdan so'ng iqtisodiyotimizga korporativ boshqaruv tushunchasi kirib kela boshladi va aksiyadorlik jamiyatlari boshqaruvida ham o`zgarishlar ro`y berdi. Hozirgi kunga kelib butun jahon iqtisodiyotining, ko`p tarmoqli ishlab chiqarish, boshqarish tizimining asosi bo`lgan korporativ boshqaruv tushunchasiga to`xtaladigan bo`lsak, Korporativ boshqaruv, bu- “...korporatsiya mulkdorlarining korporatsiya kapitalini shakllantirish, undan foyda olish maqsadida yanada samarali foydalanishga hamda olingan daromadlarni korporativ munosabatlarning barcha ishtirokchilari o'rtasida adolatli taqsimlashga qaratilgan strategik muhim qarorlarni belgilash, ta'riflash va qabul qilishga doimiy va real ta'sirini ta'minlashdagi ongli, bevosita ittttirokidir”[1 ].

Iqtisodiy infratuzilmalarning yirik korporativ bo`g`inlaridan hisoblanadigan aksiyadorlik jamiyatlarining bugungi kundagi yuksak darajadagi rivoji milliy iqtisodiyotimizni ham chetlab o`tmadi. Bu esa o`z navbatida korporativ boshqaruvni jahonning ilg`or davlatlarining zamonaviy standartlariga mos tarzda yanada takomillashtirishni, unda aksiyadorlarning rolini kuchaytirish va ularning faoliyatida davlatning ro`lini kamaytirishni taqozo etadi.