Korporativ boshqaruv” fanidan 2-oraliq nazorat topshiriqlari

“Korporativ boshqaruv” fanidan 2-oraliq nazorat topshiriqlari


1. Aksiyadorlar umumiy yig‘ilishini tashkil etish, o‘tkazish va rasmiylashtirish bo‘yicha belgilangan muddatlar yuzasidan quyidagi jadvalni to‘ldiring.

№	Muddat bo‘yicha belgilangan masalalar	Belgilangan muddat
1.	Kuzatuv kengashi tomonidan aksiyadorlar umumiy yig‘ilishi chaqirish to‘g‘risida qaror qabul qilish	Jamiyatning taftish komissiyasi yoki jamiyat ovoz beruvchi aksiyalarining kamida besh foiziga egalik qiluvchi aksiyador (aksiyadorlar) aksiyadorlarning navbatdan tashqari umumiy yig‘ilishini chaqirish to‘g‘risida talab taqdim etgan sanadan e’tiboran o‘n kun ichida jamiyat kuzatuv kengashi aksiyadorlarning navbatdan tashqari umumiy yig‘ilishini chaqirish to‘g‘risida yoki yig‘ilishni chaqirishni rad etish haqida qaror qabul qilishi kerak.
2.	Aksiyadorlar umumiy yig‘ilishi to‘g‘risida aksiyadorlarni xabardor qilish	Aksiyadorlarning umumiy yig‘ilishini o‘tkazish to‘g‘risidagi xabar aksiyadorlarning umumiy yig‘ilishi o‘tkaziladigan sanadan kamida yetti kundan kechiktirmay, lekin uzog‘i bilan o‘ttiz kun oldin jamiyatning rasmiy veb-saytida, ommaviy axborot vositalarida e’lon qilinadi, shuningdek aksiyadorlarga elektron pochta orqali yuboriladi.
3.	Aksiyadorlar reyestrini shakllantirish	Aksiyadorlarning umumiy yig‘ilishi o‘tkaziladigan sanadan uch ish kuni oldin aksiyadorlik jamiyati aksiyadorlarining reyestri shakllantiriladi.
4.	Aksiyadorlar umumiy yig‘ilishi kun tartibiga masalalar kiritish	Jamiyat ovoz beruvchi aksiyalarining hammasi bo‘lib kamida bir foiziga egalik qiluvchi aksiyadorlar (aksiyador) jamiyatning moliya yili tugaganidan keyin o‘ttiz kundan kechiktirmay, agar jamiyat ustavida bundan kechroq muddat belgilanmagan bo‘lsa, aksiyadorlarning yillik umumiy yig‘ilishi kun tartibiga masalalar kiritishga hamda jamiyat kuzatuv kengashi va taftish komissiyasiga bu organning miqdor tarkibidan oshmaydigan tarzda nomzodlar ko‘rsatishga haqli.
5.	Davlat ishtirokidagi aksiyadorlik jamiyatlarida davlat vakilini xabardor qilish	Davlat ishtirokidagi aksiyadorlik jamiyatlarida jamiyat davlat vakilini aksiyadorlarning umumiy yig‘ilishi o‘tkaziladigan sanadan kamida yetti kun oldin yozma shaklda xabardor qilishi shart.
6.	Aksiyadorlar umumiy yig‘ilishi bayonnomasini rasmiylashtirish	Aksiyadorlar umumiy yig‘ilishining bayonnomasi aksiyador-larning umumiy yig‘ilishi yopilganidan keyin o‘n kundan kechiktirmay ikki nusxada tuziladi. Har ikkala nusxa ham umumiy yig‘ilishda raislik qiluvchi va umumiy yig‘ilish kotibi tomonidan imzolanadi.
7.	Qabul qilingan qarorlarni aksiyadorlarga yetkazish	Aksiyadorlarning umumiy yig‘ilishi tomonidan qabul qilingan qarorlar, shuningdek ovoz berish yakunlari qonunchilikda hamda jamiyat ustavida nazarda tutilgan tartib va muddatlarda, biroq bu qarorlar qabul qilingan sanadan e’tiboran o‘ttiz kundan kechiktirmay aksiyadorlar e’tiboriga yetkaziladi.