Корхоналарда маҳсулот сифатини бошқариш

КИРИШ
БМИ мавзусининг долзарблиги. Бозор иқтисодиёти шароитида ишлаб чиқариш корхоналари олдида турган энг муҳим вазифа рақобатбардош маҳсулот ишлаб чиқаришдир. Шунинг учун ҳам маҳсулот ва хизматлар сифаттини яхшилаш бугунги куннинг муҳим масалаларидан ҳисобланади. Маҳсулот ва хизматлар сифатини яхшилаш стратегик муаммолардан бири бўлиб, мамлакатимиз иқтисодиётининг стабиллашуви бу муаммоларни ҳал этилишига боғлиқ. Мамлакатимизда бу борада амалга оширилаётган ислоҳот ва чора тадбирлар натижаси ўзининг ижобий натижалаорини намоён қилмоқда. Хусусан, Презтидент И.А.Каримов “Eksport hajmi sezilarli ravishda, ya’ni 11,6 foizga o‘sdi, eksport qilinayotgan mahsulotlar tarkibi va sifati yaxshilanib bormoqda. Buning natijasida xomashyo bo‘lmagan tayyor tovarlarning ulushi 70 foizdan ziyodni tashkil etmoqda. Tashqi savdo aylanmasidagi ijobiy saldo 1 milliard 120 million dollardan oshdi”¹ деб таъкидлаб ўтди. Сифатни яхшилаш жараёни маҳсулотни сотиш жараёни ёки хизматлар кўрсатишда фақатгина кўпроқ фойда олиш учунгина эмас, балки жамият учун ва унинг равнақи учун ҳам муҳимдир. Шу сабабли танланган мавзу долзарбдир.
БМИ нинг объекти. “Гулистон экстракт-ёғ” ОТАЖ тадқиқот объекти бўлиб ҳисобланади.
БМИ нинг предмети. Корхоналарда маҳсулот сифатини бошқариш жараёни ва ундаги ташкилий-иқтисодий муносабатлар тадқиқот предмети ҳисобланади.
БМИ нинг мақсади. Корхоналарда маҳсулот сифатини бошқаришни такомиллаштириш бўйича илмий таклиф ва амалий тавсиялар ишлаб чиқишдан иборат.
БМИ нинг вазифалари. БМИ мақсадига мувофиқ тадқиқотнинг вазифалари этиб қуйидагилар белгиланган:

• 
  Корхоналарда маҳсулот сифатини бошқаришининг моҳиятини, вазифаларини ҳамда хусусиятларини тадқиқ этиш;
  
• 
  Корхоналарда маҳсулот сифатини бошқаришнинг ўзига хос хусусиятларини ўрганиш ва таҳлил этиш;
  
• 
  Корхоналарда маҳсулот сифати бўйича самарали фаолият кўрсатадиган тизимни ташкил этиш ва такомиллаштириш ишларини амалга ошириш бўйича таклифлар ишлаб чиқиш;
  
• 
  Корхоналарда маҳсулот сифатини бошқаришни хорижий тажрибалар асосида такомиллаштирилишига доир илмий-амалий тавсияларни асослаб бериш;
  
• 
  Корхоналарда сифатини бошқариш тизимини жорий этилишини асослаш.