Корхоналарда давр харажатлари хисобини такомиллаштириш (roka vent qk mchj мисолида) Илмий Рахбар: Ph. Джуманов С

Кўрсаткичлар	Режа бўйича	Хақиқатда
Фарқи
1.	Ялпи тушум ҳажми, минг сўм	8029674	10019405	+1989731
2.	Меҳнатга хақ тўлаш фонди (2 ойлик), минг сўм	1834,685	1681,22	-153,465
3.	Маъмурий ходимлар сони	9	8	1
4.	Битта бошқарув ходимига тўғри келадиган иш хақи миқдори	87,506	80,05	-7456

“ROKA VENT” QK МЧЖнинг давлат статистика ҳисоботи 5-шакл маълумотларига асосланган ҳолда, маъмурий бошқарув ходимлари меҳнат ҳақи фонди таҳлил қилинганда уларга тўланадиган меҳнат ҳақи фондини 153,41 минг сўмга камайганлигини кўришимиз мумкин. Айни вақтда шуни таъкидлаш керакки, битта бошқарув ходимига тўғри келадиган иш хақи миқдори 80,55 минг сўмга ошган, бу кўрсаткич ижобий томонга ўзгарган. Шунингдек, маъмурий ходимлар сони 1 тага камайган.

ХУЛОСА ВА ТАКЛИФЛАР
Бугунги кунда ривожланган мамлакатлар қаторида муносиб ўрин эгаллаш, миллий маҳсулотларимизнинг жаҳон бозорларидаги рақобатдошлигини таъминлаш, шу асосда экспорт ҳажмини сезиларли даражада ошириш мавжуд соҳа ва тармоқларни техник ва технологик жиҳатдан қайта жиҳозлаш асосида модернизациялашни тақозо этади. Айни пайтда, жаҳон бозоридаги эҳтиёж ва талабнинг ўзгаришини ҳисобга олган ҳолда иқтисодиётимиз таркибий тузилмасини такомиллаштириб бориш, бу мақсадда янги, замонавий тармоқларни барпо этиш ва жадал ривожлантириш лозим бўлади.
Жумладан, ишлаб чиқариш корхоналарининг давр харажатлари ҳисобини такомиллаштириш, молиявий натижаларга таъсирини имкон қадар аниқлаштириш ҳамда ҳисоб тизимини ривожлантиришда ҳал қилиниши лозим бўлган бир қанча масалалар мавжудлиги илмий-тадқиқот жараёнида аниқланди ва уларнинг ечими билан боғлиқ бир неча назарий ва амалий хулосалар олинди. Улар қуйидагилардан иборат:
1. МҲХСлари талабларидан келиб чиқиб ҳамда МДҲ, Ғарб ва мамлакатимиз иқтисодчи олимларининг фиклари кенг таҳлил қилиниб, “Давр харажатлари” тушунчасини қуйидагича таърифлаш тавсия қилинди:
“Давр харажатлари - маҳсулот таннархини ташкил қилмасдан, балки такрор ишлаб чиқариш жараёнини ташкил қилиш, узлуксизлигини таъминлаш, бошқариш ва корхонани умумий тартибга солиб туриш билан боғлиқ асосий функцияларни доимий бажариш тусидаги ҳамда ҳисобот даври якунида тўғридан-тўғри молиявий натижа ҳисобидан қопланадиган сарфлардир”.