Корхоналарда давр харажатлари хисобини такомиллаштириш (roka vent qk mchj мисолида) Илмий Рахбар: Ph. Джуманов С

КОРХОНАЛАРДА ДАВР ХАРАЖАТЛАРИ ХИСОБИНИ
ТАКОМИЛЛАШТИРИШ
(ROKA VENT QK MCHJ мисолида)
Илмий Рахбар: Ph. Джуманов С
ТМИ магистранти Мехриддинов Жавохир
Аннотация: Мақолада давр харажатлари ўзининг таркибида хўжаликнинг келажакдаги фаолиятини янада кенгайтириш ва ривожлантириш билан боғлиқ бўлган келгусида солиқ солинадиган базадан чегириладиган харажатларини мужассамлаштириши, хўжалик субъектлари молиявий натижасини аниқлашда ўта муҳимлиги ҳамда бозор иқтисодиѐти шароитида иқтисодий ривожланиш бирламчи аҳамият касб этиши мавзунинг долзарблилигини янада оширади.
Калит сўзлар: давр харажатлари, МҲХС, хўжалик харажатлари дебиторлик қарзлари, бюджет, солиқ
КИРИШ
Иқтисодиётни эркинлаштириш ва чуқурлаштириш жараёнида хўжалик юритувчи субъектлар фаолиятини ривожлантириш борасида муҳим таркибий ислоҳотлар ва улардан кўзланган мақсадларнинг бажарилиши юқори суръатлар билан ривожланиб бормоқда.
Таъкидлаш жоизки, иқтисодиётни модернизация қилиш, ўз навбатида, ҳар бир мустақил хўжалик юритувчи субъектдан ўз фаолиятини самарали юритишни ва молиявий ресурслардан тежамкорлик билан оқилона фойдаланишни талаб этмоқда. Бу ўринда харажатларни аниқ мақсад асосида йўналтириш муҳим аҳамият касб этади.
Корхоналар самарали фаолият юритишини белгиловчи муҳим шартлардан бири “молиявий натижалар” категориясининг ижобий хулосага эга бўлишида харажатлар таркибида, унга бевосита таъсир қилувчи давр харажатлари элементлари бўйича амалга ошириладиган сарфларни тўғри ташкил қилиш, ҳисобини аниқ юритиш ва келгусида маъмурий қарорлар учун асос бўлувчи маълумотларни олиш учун таҳлилни мукаммал юритиш муҳим аҳамиятга эга. Низомга мувофиқ давр харажатлари деганда бевосита ишлаб чиқариш жараёнлари билан боғлиқ бўлмаган харажатлар ва сарфлар тушунилади. Бошқарув харажатлари, маҳсулотни сотиш харажатлари ва умумхўжалик аҳамиятга эга бўлган бошқа харажатлар шулар жумласидандир.
Давр харажатлари ўз таркибида хўжаликнинг келажакдаги фаолиятини янада кенгайтириш ва ривожлантириш билан боғлиқ бўлган, келгусида солиқ солинадиган базадан чегириладиган харажатларни мужассамлаштириши, бинобарин, иқтисодиётни модернизациялаш шароитида хўжалик юритувчи субъектларнинг иқтисодий ривожланиши улар олдида турган бош мақсад эканини эътироф этсак, биз томондан танланган мавзунинг нечоғли долзарб эканлиги яққол намоён бўлади.