Корхоналар молиявий натижалари таҳлили

Фавқулодда фойда

Фавқулодда фойда моддалари — бу кўзда тутилмаган, тасодифий тусга эга бўлган, ҳодиса ёки хўжалик юритувчи субъектнинг одатдаги фаолияти доирасидан четга чиқадиган тусдаги операциялар натижасида пайдо бўладиган ва олиниши кутилмаган фойдадир.

Корхона харажатлари қуйидагича гуруҳланади:

• маҳсулотнинг ишлаб чиқариш таннархига киритиладиган харажатлар;
• давр харажатлари;
• молиявий фаолият бўйича харажатлар;
• фавқулодда зарарлар.

Хўжалик юритувчи субъект фаолиятининг молиявий натижалари фойданинг қуйидаги кўрсаткичлари билан тавсифланади:

• маҳсулотни сотишдан олинган ялпи фойда;
• асосий фаолиятдан кўрилган фойда;
• умумхўжалик фаолиятидан олинган фойда;
• солиқ тўлангунгача олинган фойда;
• соф фойда.

Маҳсулотни сотишдан олинган ялпи фойда

бу сотишдан олинган соф тушум билан сотилган маҳсулотнинг ишлаб чиқариш таннархи ўртасидаги тафовут сифатида аниқланади:

ЯФ = ССТ – ИТ,

бунда,

ЯФ — ялпи фойда;

ССТ — сотишдан олинган соф тушум;

ИТ — сотилган маҳсулотнинг ишлаб чиқариш таннархи.

Асосий фаолиятдан кўрилган фойда

бу маҳсулотни сотишдан олинган ялпи фойда билан давр харажатлари ўртасидаги тафовут, ва плюс асосий фаолиятдан кўрилган бошқа даромадлар ёки минус бошқа зарарлар сифатида аниқланади:

АФФ = ЯФ – ДХ + БД – БЗ,

бунда,

АФФ — асосий фаолиятдан олинган фойда;

ДХ — давр харажатлари;

БД — асосий фаолиятдан олинган бошқа даромадлар;

БЗ — асосий фаолиятдан кўрилган бошқа зарарлар.

Умумхўжалик фаолиятидан олинган фойда

бу асосий фаолиятдан олинган фойда суммаси плюс молиявий фаолиятдан кўрилган даромадлар ва минус зарарлар сифатида ҳисоблаб чиқилади:

УФ = АФФ + МД – МХ,

бунда,

УФ — умумхўжалик фаолиятидан олинган фойда;

МД — молиявий фаолиятдан олинган даромадлар;