Корхона иқтисодиёти

Мутлақ озод қилиш корхонанинг айланма маблағларга бўлган эҳтиёжини камайтиришни тавсифлайди ҳамда мавжуд ресурслардан рационал фойдаланишга оид турли ташкилий-техник чора-тадбирлар ҳисобига амалга оширилади.
Нисбий озод қилиш айланма маблағлари ҳажмининг ўзгариши ҳамда сотилган маҳсулот ҳажмининг ўзгаришини акс эттиради. Уни аниқлаш учун ҳисобот йилида айланма маблағларга эҳтиёжни, маҳсулотни мазкур давр мобайнида сотиш бўйича ҳақиқий айланиш ҳамда ўтган даврдаги айланишни (кунларда) инобатга олган ҳолда ҳисоблаш зарур. Улар ўртасидаги фарқ озод қилинган воситалар миқдорини беради.


Назорат ва муҳокама учун саволлар
1. Айланма маблағлар ишлаб чиқариш айланма фондларидан қандай
фарқ қилади?
2. Айланма маблағларни ташкил қилувчи асосий элементлар қайсилар?
3. Айланма маблағлар тузилмаси деганда нима тушунилади? Қайси
омиллар унинг ўзгаришига таъсир кўрсатади?
4. Қайси кўрсаткичлар ишлаб чиқариш айланма фондлари ва айланма
маблағлардан фойдаланиш даражасини тавсифлайди?
5. Қайси омиллар айланма маблағларнинг айланиш даражасига таъсир
кўрсатади?
6. Корхонанинг норматив базаси деганда нима тушунилади?
7. Корхонанинг норматив базасини мукаммаллаштириш қандай
аҳамиятга эга?
8. Корхонада маҳсулотнинг материал сиғимини камайтириш қандай
аҳамият касб этади?
9. Айланма маблағларни нормалаштиришнинг моҳияти ва аҳамияти
қандай?
10. Корхонада маҳсулот материал сиғимини камайтиришнинг асосий
йўллари ва йўналишлари қандай?


11-мавзу.Корхонада кадрлар ва меҳнатга ҳақ тўлаш
Режа:
11.1. Корхонанинг кадрлар салоҳияти.
11.2. Корхонанинг кадрлар сиёсати.
11.3.Корхона меҳнат салоҳиятининг ҳолатини ва таъминланганлигини ифодаловчи кўрсаткичлар
11.4.Корхона меҳнат салоҳияти самарадорлигини баҳолаш мезонлари ва кўрсаткичлари
11.5.Корхонада меҳнатга ҳақ тўлаш ва ходимларни рағбатлантириш тизими.