|
9 Mavzu: Stroplash.
Turli konstruksiyali stroplar qo‘llaniladi. Sanoatda ishlab chiqariladigan stroplarning turlari va texnikaviy tavsiflari 2.8-jadvalda keltirilgan.
Arqonli stroplar yuklarni ko‘tarish va konstruksiyalarni montaj qilishga mo‘ljallangan. Stroplarning birlashadigan qismlarini (dasta, ilgakli quloq, halqa, ajraladigan zvenolar, qamragich karabin va ilgaklar) iqlim xududlari uchun texnikaviy shartlariga mos holda bajariladi. Yengillashtirilgan stroplar uzunligi 2,5...7 m, diametri 13...30 mm li simarqonlarni ikki uchiga ilgaklar, karabinlar yoki halqalar mahkamlanib tayyorlanadi.
Berk halqa ko‘rinishidagi universal strop diametri 19...30 mm bo‘lgan simarqon bo‘lagidan tayyorlanib, uning uchlari qisib yoki ustqo‘yma qo‘yib birlashtiriladi. Halqa uzunligi 8...15 m. Ikki tarmoqli strop arqonli ilgaklari va ajralmaydigan uchburchakli zvenosi bilan montaj halqalari yoki qurilish konstruksiyalari va qurilmalariga payvandlangan dastalar orqali ko‘tarish uchun qo‘llaniladi. To‘rt tarmoqli stroplar ilgaklari bilan to‘rtta nuqtada ilinadigan halqa orqali yuklarni ko‘tarish uchun qo‘llaniladi. Yarim avtomatik qulflar bilan jihozlangan stroplar konstruksiyadan balandlikka ajratish joyiga odam chiqmasdan olinadi. Montaj stroplari uchun po‘lat arqonlar davlat standartiga mos holda qo‘llaniladi.
10 Mavzu: Yuklarni bog‘lash va ilish usullari hamda sxemalari.
Reja:
Yuklarni bog’lash.
Yuklarni ilish usuli.
Yuk ilish moslamalari majmuali qurilmani tashkil etib, ularda strop, traversa,
takelaj dastachasi, simarqonlar birikmasi, to‘sinli konstruksiyalar, avtomatika qulflari, arqonli ilmoq va boshqa elementlar mavjud.
Stroplar, traversalar, qamragichlar ko‘tariladigan yuklarni (konstruksiyalar,
qurilmalar, konteynerlar va shu kabilar) yuk ko‘taruvchi mashinaning ishchi organi
ilmog‘i bilan birlashtiradi.
Montaj qilishda qo‘llaniladigan yuk qamragich moslamalarga asosiy talab,
ularning mutlaq ishonchliligidir, ya’ni o‘zicha stropdan bo‘shab ketishni, qurilma
qismlarini sinishi va buziq joylari to‘liq istisnoligi, ishlarni xavfsiz olib borishni
ta’minlash va qo‘zg‘atilayotgan yukni yaroqliligi hisoblanadi. Yuk qamragich
qurilmalar tejamli foydalanish sharoitlariga va ishlarni bajarishning zamonaviy
texnologiyalariga mos kelishi kerak.
Yuk qamragich moslamalar vazifasi bo‘yicha universal va maxsusga bo‘linadi.Universal yuk qamragich moslamalar mos keluvchi parametr va xususiyatlarga egabo‘lgan turli yukli ishlar uchun, maxsusi esa muayyan yuklar bilan bo‘lgan ishlaruchun mo‘ljallanadi va ularning parametrlari hamda konstruktiv xususiyatlarini hisobga olib loyihalanadi. Odatda yuk qamragich moslamalarni ishlashini boshqarish takelajchi tomonidan qo‘lda to‘g‘ridan-to‘g‘ri yuk joylashgan joyda bajarilib, mehnat xarajatlarini oshiradi va moslama samaradorligini kamaytiradi. Yuk qamragich moslamani masofadan turib boshqarish, dastakiga nisbatan eng samarali va ishonchli hisoblanadi.
Montaj ishlarini bajarishda operatsiyalarni mexanizatsiyalashtirish va
avtomatlashtirishda qo‘yilgan masala quyidagi yuk qamragich moslamalar
uzatkichlarini qo‘llash bilan hal etiladi: mexanik, gravitatsion, elektr mexanik, elektr magnit, gidravlik, pnevmatik. Lekin hatto eng keng tarqalgan mexanik va gravitatsion uzatkichlardan foydalanilganda ham o‘z-o‘zidan to‘xtash yoki uzilish ro‘y berishi mumkin, shuning uchun ularni dastaki moslamalar bilan baravar ishlatiladi.
Uzatkichlarning boshqa turlari o‘tkazgich, kabel yoki shlanglarni mutlaqo mavjud bo‘lishini talab etib, tizimda tizimni qo‘pollashtiradi va moslama bilan ishlashni qiyinlashtiradi.
Yuk qamragich moslamalar konstruktiv jihatdan ishchi organi egiluvchan va bikir osilgan holda bajariladi. Bikir osish yuklarni avtomatlashgan holda ilishda va
bo‘shatishda maqsadga muvofiqdir. Montaj qilishda hozircha dastaki, qisman
masofaviy va yarim avtomatik boshqarish eng ko‘p qo‘llanishga ega va to‘liq
avtomatlashgan moslamalardan chegaralangan holda foydalanilmoqda. Ishlarni
bajarish texnologiyasi va yuklarni ilishning muayyan sxemalarini ishchi yuklarni
qo‘yilish qiymati va tavsifi aniqlanadi hamda yuk qamragich o‘lchamlari va ularning qanday materiallardan tayyorlanganligi sabab bo‘ladi.
Do'stlaringiz bilan baham: |
