Konstruksiyalar

192. Real bikr birikma ideal bikr birikmadan nimasi bilan  
farq qiladi?
Ideal bikr tugunda elementlar tugunga birikkan joylarda bu-
ralmaydi, ya’ni birikuvning boshlang‘ich burchaklari saqlanib 
qoladi. haqiqiy holatda esa normal kesimlarda (tugunga birik-
kan) katta deformatsiyalar vujudga kelib, ushbu kesimlarda kat-
ta qiymatdagi eguvchi momentlar hosil bo‘ladi. Keyin esa maz-
kur kesim ϕ burchakka buriladi, ayniqsa darz hosil bo‘lgandan 
keyin uning intensivligi yanada ortadi va elementning o‘qi ham 
buriladi. Element o‘qi burilsa, mazkur tugun ideal bikr bo‘lmay 
qoladi, undagi eguvchi momentlar ideal sxemadagiga qaraganda 
kamayadi va birikma moyil bo‘lib qoladi. Bunday moyillik hiso-
biy sxemani o‘zgartiradi, lekin muhandislik hisoblarida (solqi-
likka hisoblashdan tashqari) cho‘ziluvchi armatura oquvchanlik 
chegarasiga yetguncha buni hisobga olinmaydi. U holda kesim 
ichki zo‘riqishlari o‘smagan holda buriladi, ya’ni plastik shar-
nir hosil bo‘ladi.