“Konstitutsiya baxtimiz qomusi” nomli
Tadbir senariysi
1-boshlovchi:
Men nechun sevaman, O'zbekistonni,
Tuprog'in ko'zimga aylab to'tiyo?
Nechun Vatan deya yer-u osmonni,
Muqaddas atayman, atayman tanho!
2-boshlovchi: Assalomu alaykum xurmatli o’qituvchilar va o’quvchilar! Bugun baxtimiz qomusi konstitutsiya bayramining 29 yilligidir.
1-boshlovchi: Aziz o’quvchilar, qani biz bosh qomusimiz bo’lmish konstitutsiya haqida nimalarni bilishimizni ushbu tadbir orqali bayon etishga harakat qilamiz
2-boshlovchi: Tadbirni ochib berish uchun so’zni maktabimiz direktori Rustamjon Haydarovga beramiz.
Bugungi “Konstitutsiya baxtimiz qomusi” nomli tadbirimizni yoritib berish uchun so’zni oliy toifali tarix fani o’qituvchisi Abduolimov A’loxon domlaga beramiz. Marhamat
1-boshlovchi:
Yuraklarda yechilar tugun
Ko’ngillar shod, ko’ngillar gulgin
Mustaqillik Alloh ne’mati
Yashna, yuksal o’zbek davlati!
1-boshlovchi: Konstitutsiya lotincha so’z bo’lib “o’rnatish, belgilash” degan ma’nolarni bildiradi. Konstitutsiya davlatning asosiy qonuni hisoblanadi
2-boshlovchi: O’zbekiston Respublikasi Konstitutsiyasi 1992-yil 8-dekabrda qabul qilingan bo’lib, u 6 bo’lim, 26 bob, 128 moddadan iborat.
1-boshlovchi: Navbatni bosh qomusimizda jamlangan moddalarga beramiz. Konstitutsiya bizlarga nimalarni belgilab beradi?
1-modda:
O’zbekiston suveren demokratik Respublika. Davlatning O’zbekiston
Respublikasi va O’zbekiston degan nomlari bir xil ma’noni bildiradi.
2-modda:
Davlat xalq irodasini ifoda etib, uning manfaatlariga xizmat qiladi. Davlat organlari va mansabdor shaxslar jamiyat va fuqarolar oldida mas’uldirlar.
3-modda: O’zbekiston Respublikasi o’zining milliy-davlat va ma’muriy-hududiy
tuzilishini,davlat hokimyati va boshqaruv organlarining tizimini
belgilaydi, ichki va tyashqi siyosatini amalgam oshiradi. O’zbekistonning
davlat chegarasi va hududi dahlsiz va bo’linmasdir.
4-modda: O’zbekiston Respublikasining davlat tili o’zbek tilidir.
5-modda: O’zbekiston Respublikasi qonuni bilan tasdiqlangan o’z davlat ramzlar - bayrog’i, gerbi va madhiyasiga ega.
6-modda: O’zbekiston Respublikasining poytaxti – Toshkent shahri.
7-modda: Xalq davlat hokimyatining birdan-bir manbayidir.
8-modda: O’zbekiston xalqini millatidan qat’iy nazar O’zbekiston Respublikasining fuqarolari tashkil etadi.
10-modda: O‘zbekiston xalqi nomidan faqat u saylagan Respublika Oliy Majlisi va Prezidenti ish olib borishi mumkin.
18-modda: O’zbekiston Respublikasida barcha fuqarolar bir xil huquq va erkinliklarga ega bo’lib, jinsi, irqi, millati,tili, dini, ijtimoiy kelib chiqishi, e’tiqodi, shaxsiy va ijtimoiy mavqeyidan qat’iy nazar qonun oldida tengdirlar.
21-modda: O’zbekiston Respublikasining butun hududida yagona fuqarolik o’rnatiladi. Qoraqalpogʼiston Respublikasining fuqarosi ayni vaqtda Oʼzbekiston Respublikasining fuqarosi hisoblanadi.
22-modda: Oʼzbekiston Respublikasi oʼz hududida ham, uning tashqarisida ham oʼz fuqarolarini huquqiy himoya qilish va ularga homiylik koʼrsatishni kafolatlaydi.
24-modda: Yashash huquqi har bir insonning uzviy huquqidir. Inson hayotiga suiqasd qilish eng ogʼir jinoyatdir.
31-modda: Hamma uchun vijdon erkinligi kafolatlanadi. Har bir inson xohlagan dinga eʼtiqod qilish yoki hech qaysi dinga eʼtiqod qilmaslik huquqiga ega.
41-modda: Har kim bilim olish huquqiga ega. Bepul umumiy ta’lim davlat tomonidan kafolatlanadi.
45-modda: Voyaga yetmaganlar, mehnatga layoqatsizlar va yolgʼiz keksalarning huquqlari davlat himoyasidadir.
46-modda: Xotin-qizlar va erkaklar teng huquqlidirlar.
2-boshlovchi: endigi navbatni 2-“A” sinf ijrosida sho’x, qizlar ijrosidagi raqsga beramiz!
(raqs)
Sahna ko’rinishi
1-boshlovchi: keyingi navbatni 7-“B” sinf qizlari ijrosidagi raqsga beramiz!
(raqs)
Hamma she’r aytadi
Mustaqillik ishi uchun
Biz sodiqmiz har qachon
Bizga bergan baxti uchun
Olam-olam sharafshon
Mustaqillik baxt berdi
Baxti uchun ko’p rahmat
Orzu bergan, tinchlik bergan
Baxti uchun ko’p rahmat
2-boshlovchi:
Sening bitik yo’ling kurashdir yiroq,
Bir bobing To’maris ko’targan chiroq.
Yozdi bir bobingni qon bilan Shiroq,
Ey, mening o’zligim, g’urur-nomusim.
Konstitutsiyam oliy qomusim.
1-boshlovchi:
Sening manzilingni ko’zlagan karvon,
G’aznaviy, Temuriy, Boburiy davron
U karvon boshida Navoiy sarbon,
Ey mening o’zligim, g’urur-nomusim.
Konstitutsiyam oliy qomusim.
1-boshlovchi:
Qani o’quvchilar endi tadbir orqali bilib olgan bilimlaringizni sinab ko’ramiz. Endigi navbatni qiziqarli viktorina savol-javoblariga beramiz!
RAQS
2-boshlovchi:
Dunyodagi eng demokratik davlat odil Oʼzbekiston Respublikasi Konstitutsiyasiga shon-sharaflar!
Do'stlaringiz bilan baham: |