Кoнституциядa шaxсий ҳуқуқ вa эркинликлaр aлoҳидa тизимни тaшкил этaди вa қуйидaгилaр кирaди

«Бола ҳуқуқлари тўғриси»да конвенция 1989 йил 20 ноябрь қабул қилинган.
Ўзбекистон Республикаси мазкур Конвенцияга Ўзбекистон Республикаси Олий Кенгашининг 1992 йил 9 декабрдаги 757-XII-сонли «Бола ҳуқуқлари тўғрисидаги конвенцияга қўшилиш ҳақида»ги Қарорига мувофиқ қўшилган.


«Бола ҳуқуқларининг кафолатлари тўғриси»да Ўзбекистон Республикасининг қонуни 7 январь 2008 йилда қабул қилинган. Ушбу Қонуннинг мақсади бола ҳуқуқларининг кафолатлари соҳасидаги муносабатларни тартибга солишдан иборат.


«Хотин-қизлар ва эркаклар учун тенг ҳуқуқ ҳамда имкониятлар кафолатлари тўғриси»да Ўзбекистон Республикасининг қонуни 9 сентябрь 2019 йил қабул қилинган. Ушбу Қонуннинг мақсади хотин-қизлар ва эркаклар учун тенг ҳуқуқ ҳамда имкониятларни таъминлаш соҳасидаги муносабатларни тартибга солишдан иборат.


«Хотин-қизларни тазйиқ ва зўравонликдан ҳимоя қилиш тўғриси»да Ўзбекистон Республикасининг қонуни 9 сентябрь 2019 йил қабул қилинган. Ушбу Қонуннинг мақсади хотин-қизларни тазйиқ ва зўравонликнинг барча шаклларидан ҳимоя қилиш соҳасидаги муносабатларни тартибга солишдан иборат.


«Хотин-қизларни камситишнинг барча шаклларига барҳам бериш тўғриси»да конвенция 1979 йил 18 декабрьда қабул қилинган, Нью-Йорк. Ўзбекистон Республикаси мазкур Конвенцияга Ўзбекистон Республикаси Олий Мажлисининг 1995 йил 6 майдаги 87-I-сонли «Ўзбекистон Республикасининг 1979 йил 18 декабрда Нью-Йоркда қабул қилинган Хотин-қизларни камситишнинг барча шаклларига барҳам бериш тўғрисидаги Конвенцияга қўшилиши ҳақида»ги қарорига асосан қўшилган.


«Инсон ҳуқуқлари бўйича Ўзбекистон Республикасининг миллий стратегиясини тасдиқлаш тўғриси»да Ўзбекистон Республикаси Президентининг Фармони 22 июнь 2020 йилда қабул қилинган. Инсон ҳуқуқлари соҳасида узоқ муддатли стратегиянинг қабул қилиниши ушбу соҳада давлат сиёсатининг самарали амалга оширилишига, инсон ҳуқуқлари ва эркинликларига ҳурмат муносабати шаклланишига, мамлакатнинг халқаро майдондаги обрўси янада мустаҳкамланишига, шу жумладан Ўзбекистон Республикасининг иқтисодий ва сиёсий-ҳуқуқий рейтинг ҳамда индекслардаги мавқеи яхшиланишига хизмат қилади.
Ўзбекистон Республикасида инсон ҳуқуқларини ҳимоя қилишнинг миллий механизмлари:
1. Инсон ҳуқуқлари бўйича миллий марказ (Ўзбекистон Республикаси Президентининг 4056-сон Қарори билан 10 декабрь 2018 тузилган);
2. Олий Мажлис ҳузуридаги Инсон ҳуқуқлари бўйича Вакил (Омбудсман) институти (Олий Мажлиснинг Инсон ҳуқуқлари буйича вакили (Омбудсман) институти 1995 йилда ташкил этилган. Ушбу институт МДҲ ҳудудида биринчилардан бўлиб Ўзбекистонда таъсис этилган).