"Konseptual jadval asosida "Badiiy asar tili" modulini urganish"

II BOB. “Badiiy asar tili” mavzuini konseptual jadvaldan foydalanib uqitish” modulining uquv – uslubiy ta’minoti.
II.1 “Badiiy asar tili” modulining ma’ruza mashg‘ulotida konseptual jadvaldan foydalanishga oid tajribalar.

Adabiyot-inson ma’naviyati asoslarini tashkil etuvchi ruhiy qadriyatlarni shakllantirishga xizmat qiladigan san’at turi. Boshqa o‘quv mashg‘ulotlarida bilim berish ustuvor bo‘lsa, adabiyotda insonning ko‘ngli bilan, tuyg‘ulari bilan ishlanadi. Chunki chinakkam insoniylikning asosiy belgisi boshqa odamlarning holatini tushunish, ularga tuyg‘udosh bo‘la bilishdan iboratdir. Shu man’noda biror o‘quv predmeti yoki biror san’at turi adabiyotning o‘rnini bosa olmaydi. Badiiy adabiyot o‘quvchilarning hissiyotlarini shakllantirib, tuyg‘ularini noziklashtirib, kechinmalarini teranlashtiradi.

Adabiyot darslarida o‘qilgan asar bo‘yicha o‘quvchi va talabalarga tayyor xulosalar berilmasligi kerak. O‘rganilayotgan badiiy asardan har bir tarbiyalanuvchi o‘zicha ta’sirlanish, o‘zi istagan xulosaga kelishi lozim. Bunday holatni yuzaga keltirish uchun o‘qituvchi ijodkor bo‘lishi, adabiyot darslari esa badiiy matnning joziba qudratini oshirishga qaratilgan bo‘lishi va o‘quvchilarni badiiy hodisadan zavqlana bilishga yo‘naltirilgan bo‘lishi maqsadga muvofiqdir. Badiiy asar o‘quvchilarning ko‘ngil mulkiga aylanishi, ularning hissiyotlariga ta’sir etishi uchun o‘qituvchi badiiy asar bilan tarbiyalanuvchilar orasida vositachilik qiladi.
Har qanday asarning badiiy tahlili eng zamonaviy texnologiya va usullarga tayansa, shuningdek, pedagogik jarayondagi barcha qatnashchilarning to‘la faolligi ta’minlansagina tegishli samara beradi. Hozirgi vaqtda ta’lim jarayonida o‘qitishning zamonaviy metodlari keng qo‘llanilmoqda. O‘qitishning zamonaviy metodlarini qo‘llash o‘qitish jarayonida yuqori samaradorlikka erishishga olib keladi. Ta’lim metodlarini tanlashda har bir darsning didaktik vazifasidan kelib chiqib tanlash maqsadga muvofiq sanaladi.
An’anaviy dars shaklini saqlab qolgan holda, unga turli-tuman ta’lim oluvchilar faoliyatini faollashtiradigan metodlar bilan boyitish ta’lim oluvchilarning o‘zlashtirish darajasining ko‘tarilishiga olib keladi. Buning uchun dars jarayoni oqilona tashkil qilinishi, ta’lim beruvchi tomonidan ta’lim oluvchilarning qiziqishini orttirib, ularning ta’lim jarayonida faolligi muttasil rag‘batlantirilib turilishi, o‘quv materialini kichik-kichik bo‘laklarga bo‘lib, ularning mazmunini ochishga qaratilgan metodlarni qo‘llash va ta’lim oluvchilarni amaliy mashqlarni mustaqil bajarishga undash talab etiladi.
O`quv maqsadlarini aniqlash, shakllantirish, tizimlashtirish, ketma-ket masalalar va savollar tarzida ifodalash o`qituvchi ishining eng murakkab va mas`uliyatli qismi hisoblanadi.
Maqsadlarni aniq belgilash va tizimlashtirish, o`qituvchi faoliyatining keyingi bosqichlariga yo`naltiruvchi omil sifatida xizmat qiladi. Tahsil oluvchilar ongiga yetkaziladigan ta`lim maqsadlari ularni o`quv bilish faoliyatiga mo`ljal bo`ladi va ta`lim-tarbiya jarayonida ularning ongliligi va faolligini oshiradi.
Mamlakatimizda ta’lim tizimida olib boriladigan islohotlar o‘quv jarayoniga nisbatan o‘zgacha mazmun, o‘zgacha talab, o‘zgacha pedagogik munosabatlarni taklif etoqda. Shuni inobatga olib, Oliy ta’limning O`zbek filologiyasi 5220100 – Filologiya va tillarni o`qitish (o`zbek tili) yo`nalishi 1- kurs talabalari uchun “Adabiyotshunoslik nazariyasi” faninidan rejalashtirilgan “Badiiy asar tili” mavzusinining ma’ruza mashg‘ulotini yangicha pedagogik texnologiyalarda, xususan konseptual jadval asosida quyichagicha shakllantirish mumkin.