Konfransinin

ÇOVDAR QIZIL YATAĞININ GEOLOJİ-STRUKTUR 

XÜSUSİYYƏTLƏRİ VƏ FİLİZ POTENSİALI 

 

Tələbə: 

 

 

 

 

Elmi rəhbər: 

İsmayılov İsmayıl Həsən oğlu 

 

dos. H.P.Aslanov 

IV kurs, qrup 115.5 

Son illərdə Azərbaycan qızılçıxarma sənayesində dirçəliş 

dövrünü  yaşayır.  İndi  Respublikada  qızıl  çıxarılmasını 

“AzerGold” QSC və ABMƏŞ həyata keçirir. 

AzerGold  şirkəti  Çovdar  qızıl  yatağının  əsasında  son 

illərdə  fəaliyyətə  başlamışdır.  Növbəti  illərdə  həmin  şirkət 

fəaliyyət  dairəsini  genişləndirərək  Böyük  Qafqaz  və  Kiçik 

Qafqazın  digər  perspektivli  sahələrində,  eləcə  də  Naxçıvan 

MR-nın dağlıq qurşağında da işlərə başlamışdır. 

Çovdar  filiz  sahəsi  tektonik  cəhətdən  Lök-Qarabağ 

struktur-formasiya  zonasının  tərkib  hissəsi  olan  Şəmkir 

---

13 

 

antiklinoriumu ilə Daşkəsən sinklinoriumunun təmas zonasında 

yerləşir.  Ərazi  mürəkkəb  tektonik  quruluşa  malikdir,  xüsusən 

də,  qırılma  pozulmaları  daha  geniş  yayılmışdır  ki,  bu  da 

Çovdar filiz sahəsinin tektonik quruluşunda tutduğu mövqe ilə 

izah olunur. 

Çovdar  filiz  sahəsi  daxilində  qırışıqlıq  strukturlarını 

mürəkkəbləşdirən  müxtəlif  ölçülü  və  müxtəlif  istiqamətli 

qırılıb-düşmələr və qırılıb-yerdəyişmələr geniş inkişaf etmişdir. 

Onlar müxtəlif istiqamətlərə malikdirlər. 

Çovdar  filiz  sahəsində  qızıl  həm  hidrotermal  dəyişmə 

zonalarında,  həm  də  sahəvi  xarakter  daşıyan  törəmə 

kvarsitlərdə  aşkar  olunmuşdur.  Beləliklə,  filiz  sahəsində 

yayılmış  müxtəlif  fazalarda  yaranmış  turş,  orta-turş  tərkibli 

intruzivlərin  mövcudluğu  şəraitində  kvarslaşma  zonaları, 

törəmə  kvarsit  kütlələri  formalaşmışlar  ki,  bunlar  da  qızıl 

axtarışında  əlverişli  litoloji  faktor  hesab  olunur.  Hidrotermal 

dəyişmə  zonalarında  qızıl  kvars-qızıl-sulfid  və  kvars-barit-

qızıl-sulfid formasiyaları ilə təmsil olunmuşdur. 

Filizləşmə  zonalarının,  filizdaşıyıcı  və  filizyerləşdirici 

süxurların və lokal strukturların geniş yayılması burada yüksək 

perspektivli filiz yatağının mövcudluğuna dəlalət edir.