Konfransinin

 

  BAKI ARXİPELAQININ STRUKTUR-TEKTONİK 

XÜSUSIYYƏTLƏRİNƏ VƏ GEOTEMPERATUR 

REJİMİNƏ GÖRƏ NEFT-QAZ PERSPEKTİVLİYİ 

 

Tələbə:                                             Rəhbər: 

Mejdinov Sadiq Vahid oğlu           dos. G.C. Nəsibova 

IV kurs,  qrup: 103.5  

 

Tədqiqatın    məqsədi      Bakı  arxipelaqının  lokal 

qalxımlarının  mövcud  geodinamik  rejim  şəraitində  struktur-

tektonik    və    qırışıqəmələgəlmə  xüsusiyyətlərini,  dərinlik  və 

sahə  üzrə  geotemperatur  şəraitini  və  üzvi  maddə  potensialını 

təhlil  edib  ərazinin  neft-qaz  perspektivliyini  təyin  etməkdir. 

Təhlil üçün Bakı arxipelaqının lokal qalxımları öyrənilmişdir.  

Məlumdur  ki,  xətti  və  uzun  braxiqırışıqlar  əsasən 

uzununa  əyilmə  mexanizmi  yolu  ilə  formalaşırlar.  Bu  zaman 

sıxılma  gərginliklərinin  təsir  istiqaməti  qırışıqların  və  onların 

---

25 

 

təşkil  etdikləri  antiklinal  zonalara  perpendikulyar  olur.  Bu 

baxımdan  Bakı  arxipelaqının    struktur-tektonik  xəritəsindən 

göründüyü    kimi,  orada  inkişaf  etmiş  lokal  qalxımların 

əksəriyyəti    və    təşkil    etdikləri    antiklinal  zonalar  əsasən  

şimal-qərb-cənub-şərqə  doğru  uzanmışlar.    Bu  hal  ərazidə  

sıxılma 

gərginliklərinin 

şimal-şərq 

istiqamətində  

cəhətlənməsini  göstərir.    Sıxılma  gərginliklərinin    belə 

cəhətlənməsi    Ərəbistan  plitəsinin  şimal-şərq  çıxıntısı 

tərəfindən    İran-Əfqan  plitəsinin   ensiz hissəsinin şimal-şərqə 

doğru sıxışdırılması ilə əlaqədardır. 

Mövcud  struktur-tektonik  şərait  göstərir  ki,  arxipelaqda 

əsasən uzun və qısa braxiformalı qırışıqlar inkişaf etmişdir.  

 Bakı  arxipelaqında  sahə  və  müxtəlif  dərinliklər  üzrə 

ərazinin geotemperatur rejimi öyrənilmişdir. Bununla  bərabər  

çökmə 

qatın 

kəsilişində 

üzvi 

maddənin 

paylanma 

xüsusiyyətlərinə  görə  neftqazəmələgəlmə  ocaqları    müəyyən  

edilərək  ərazinin  neftqaztörədəbilmə  potensialı  araşdırılmışdır. 

Aparılan  tədqiqatların  nəticələri  Bakı  arxipelaqının    çökmə 

qatının    nisbətən  yüksək  neft-qaz    potensialına,  yəni 

perspektivliyə malik olmasını deməyə əsas verir.