Konchilik sanoatidagi yangiliklar va qo’llanilayotgan zamonaviy texnologiyalar

Konchilik sanoatidagi yangiliklar
Reja:
Kirish.
1. Konchilik sanoatidagi yangiliklar va qo’llanilayotgan zamonaviy texnologiyalar.
2. Innovatsion ishlanmalarni joriy etish quyidagi vazifalarni bajarish imkonini beradi:
3.Konchilik sanoatidagi yangi qarorlar
Xulosa.
Foydalanilgan adabiyotlar.

Konchilik sanoatidagi yangiliklar va qo’llanilayotgan zamonaviy texnologiyalar.


Eng yangi texnologiyalar
Joriy yilda O‘zbekiston Respublikasi Prezidenti intellektual mulk obyektlarini muhofaza qilish tizimini takomillashtirish masalalariga bag‘ishlangan yig‘ilish o‘tkazdi. Yig‘ilishda taʼqidlanganidek, Navoiy kon-metallurgiya kombinati so‘nggi o‘n yilda 35 ta ixtironi ro‘yxatdan o‘tkazib, ularning 16 tasidan 400 milliard so‘mdan ortiq iqtisodiy samara ko‘rgan.
Bugungi kunda NKMKda 10 ming nafardan ortiq oliy maʼlumotli mutaxassis faoliyat yuritayotgan bo‘lsa, ular orasida 7 nafar fan doktori va 29 nafar fan nomzodi bor.
Kombinatda ilmiy-tadqiqot ishlari va innovatsion faoliyatni rivojlantirish maqsadida Innovatsiya markazi tashkil etildi va Navoiy kon-metallurgiya kombinatini 2026 yilgacha innovatsion rivojlantirish dasturi qabul qilindi. Dasturdagi 105 ta innovatsion loyihalarning ishlab chiqarishga joriy etilishi oltin tarkibli rudalar va uranni qazib olish va qayta ishlash samaradorligini oshirish, mahsulot tannarxini kamaytirish, eksportga yo‘naltirilgan mahsulotlar sonini kengaytirishga katta zamin yaratadi.
Bugun kunda kombinat tizimida quyidagilar samarali faoliyat olib borayapti:
- Innovatsiya markazi
- Markaziy ilmiy-tadqiqot laboratoriyasi
- Markaziy konstruktorlik byurosi
- Markaziy loyihalash byurosi
- Shimoliy kon boshqarmasining Markaziy fizik-kimyoviy laboratoriyasi
- 2, 3-gidrometallurgiya zavodlaridagi Markaziy zavod laboratoriyalari
Kombinat “OUTOTEC” (Finlyandiya), “VNIPIPROMTEXNOLOGIYA” AJ, “VNIIXT” AJ, “RIVS” AJ, VNIMI, “Irgiredmet” AJ (Rossiya), “Integra-Group” (AQSH), “Integra RU” MCHJ, “ENGINEERING DOBERSEK GmbH” kompaniyasi (Germaniya) kabi yetakchi xorijiy kompaniyalar, shuningdek, “NIIMR” DK, Mikrobiologiya instituti, Toshkent davlat texnika universiteti, O‘zbekiston milliy universiteti, Navoiy davlat konchilik instituti, Yuqori texnologiyalar o‘quv-tajriba markazi, Yadro fizikasi instituti, O‘zGEORANGMETLITI kabi mamlakatimizning oliy o‘quv yurtlari va ilmiy muassasalari bilan samarali hamkorlik qiladi.