Концептуал асос қуйидагиларни белгилайди: молиявий ҳисоботнинг мақсадини

Концептуал асос қуйидагиларни белгилайди:

• 
  молиявий ҳисоботнинг мақсадини;
  
• 
  молиявий ахборотнинг сифат хусусиятларини(ўринлилик ва ишончли тақдим этиш);
  
• 
  молиявий ҳисобот элементлари ва уларни тан олиш мезонларини.
  

Молиявий хисоботнинг максадлари хужалик юритувчи субъектнинг молиявий холати, фаолияти, молиявий холатидаги узгаришлар тугрисида маълумотдан фойдаланувчиларга тегишли маълумотларни такдим этишдир. Лекин, молиявий хисобот фойдаланувчилар томонидан иктисодий карорларни кабул килиш учун барча маълумотларга эга эмас, чунки хисоботлар, асосан, утган даврда содир этилган вокеаларни акс этади.
Молиявий ҳисоботда келтириладиган ахборот фойдаланувчилар учун тушунарли ва содда бўлиши лозим.
Ахборотда муҳим хато ёки ғаразлилик бўлмаса ва фойдаланувчилар унга таянишлари мумкин бўлса, ишончли ҳисобланади.
Операциялар ёки воқеаларнинг ишончлилиги одатда дастлабки ҳисоб ҳужжатлари билан тасдиқланиши лозим.
Молиявий хисобот молиявий натижаларни ва бошка хужалик операцияларини уларни иктисодий тавсифларга мувофик алохида бандларга гурухлаган холда акс этади ва бу молиявий хисоботнинг элементлари деб аталади. Молиявий хисобот концепцияси еттита элементни аниклаб беради. Биринчи уч гурух элементлар (активлар, мажбуриятлар ва акционерлик капитали/соф активлар) бевосита баланс хисоботига, кейинги турт элемент эса (даромадлар, харажатлар, фойда ва эарарлар) молиявий натижалар тугрисидаги хисоботга тегишлидир.
- Активлар – бу хужалик юритувчи субъект томонидан утмишдаги фаолият натижасида олинган, келажакда фойда олиш учун мулжалланган ва назорат килинадиган иктисодий ресурслар хисобланади.
- Мажбуриятлар – бу хужалик субъектнинг утган даврда амалга оширган вокеалари ва келушувлари натижасида, улар буйича хисоб-китоблар активларни топшириш ёки ишларни бажариш, хизматларни курсатиш йули билан амалга оширилиши мумкин булган мукаррар вужудга келадиган карзларидир. Бунда кредитор карздордан уз мажбуриятларини сузсиз бажариши тугрисидаги талабни куйиши мумкин. Шундай килиб, мажбуриятлар келажакдаги фойдани йукотилишига олиб келади.
- Хусусий капитал – бу хужалик юритувчи субъектнинг мажбуриятлар чикариб ташлангандан кейинги соф активларидир.
- Даромадлар – бу хисобот даврида хужалик юритувчи субъектнинг хужалик фаолияти натижасида одатдаги (асосий) хужалик юритиш фаолияти натижасида активларнинг келиб тушиши йули билан ёки мажбуриятларнинг камайиши хисобига иктисодий ресурсларни купайиши, яъни бир маротаба ёки тасодифан содир этилгандан эмас, мунтазам равишда содир этилган операциялардан олинган даромаддир.
- Харажатлар – бу хисобот даврида корхонанинг хужалик юритиш фаолияти натижасида фойда олиш максадида активларни чикиб кетиши ёки мажбуриятларнинг купайишига олиб келадиган иктисодий ресурсларни камайишидир.
- Фойда – бу хисобот даврида хужалик юритувчи субъектга асосий ва асосий булмаган фаолият, вокеалар, вазиятлар таъсири натижасида капиталнинг купайишидир, акциядорлик капиталига туланадиган бадаллар бундан мустасно.
- Зарар - бу асосий фаолият ва барча бошка хужалик операциялари, ходисалар, вазиятлар натижасида акциядорлик капиталининг камайишидир. Харажатлар ёки акционерлик капиталининг таксимланиши натижасидаги камайиш бундан мустасно.