Kompyuter tarmoqlari telekommunikatsiya texnologiyalari, 5 semestr

IEEE 802.5 – LANTokenRing

IEEE 802.5 – LANTokenRing стандартидаги тармоқ IBM томонидан яратилган. Қуриш учун коаксиал кабел, мис жуфтлик, ТОАЛ ишлатилади. Маълумотларни узатиш тезлиги – 4 Мбит/с, 16 Мбит/с. Тармоқ тузилиши сифатида маркер узатишли бир йўналишли физик халқа тақдим этилади, халқанинг максимал узунлиги деярли чегараланмаган, қўшни станциялар орасидаги максимал масофа 2 км ни ташкил этади. Белгилаб ўтиш жоизки, физик халқа алоҳида тугунининг ёки кабел сегментининг шикастланиши сигналларнинг кетма-кетлик йўлини ва бутун тармоқни бузади. Маълумотларни узатиш учун канал сатҳида «маркер» ва «информацион кадр» турдаги кадрлар ишлатилади. Маркерли халқа приоритетлар асосида қурилади. Тармоқга уланишни таъминлаш учун маркер ишлатилади. Маркер хар бир станциядан ўтиб, халқа бўйлаб узлуксиз циркуляциялайди (9.7-расм) ва таркибида индикатор мавжуд, индикатор халқа бўш ёки бандлигини кўрсатади. Агар станция маълумотларни узатишни истаса ва маркер бўш бўлса, у халқани эгаллаб, маълумотларни қўшиб, маркерни информацион кадр бошига ўзгартиради ва кадрни халқа бўйлаб кейинги станцияга жўнатади. Ҳар бир станция қабул қилинган маркерни таҳлил этади. Агар маркер банд бўлса, қабул қилувчи станция уни регенерациялайди ва кейинги станцияга узатади. Агар қабул қилинган маълумотлар ушбу станцияга мансуб бўлса, у холда улар нусхаланади ва амалий сатҳларга жўнатилади. Кадр уни узатишни амалга оширган бошланғич станцияга қайтгандан сўнг, маркер инициализацияланади (бошланғич кўринишда қайта тикланади) ва яна халқага узатилади

9.7-расм. TokenRing да маълумотларни узатиш

Ушбу стандарт 50 км гача узунликдаги халқали тармоқни қуриш имконини беради, бироқ бу тармоқлар маълумотларни узатишнинг паст тезликлиги ва ишончлилигининг пастлиги билан характерланади.

TokenRing нинг ривожланиш истиқболлари бўлиб WAN учун 100 Мбит/с узатиш тезликли икки йўналишли юқори ишончликли FDDI тармоғини қуриш ҳисобланади.

Маъруза №10
Юқори тезликли локал тармоқлар (LAN)

Режа

1. 
   Fast Ethernet.
   
2. 
   Gigabit Ethernet.
   
3. 
   10 Gigabit Ethernet (10GE).