"Kompyuter injiniring" fakulteti "Kompyuter tizimlari" kafedrasi "Nutqni tanish algoritmlari” fanidan

2.) Sinflashtirish - bu obyektlarni ularning umumiy xossalari asosida sinflarga boʻlish.
TATni turlarga boʻlishda quyidagi tamoyillarga asoslanamiz [30,43]:
1. Obyektlarni tavsiflovchi ma’lumotlarning bir jinsli ekanligi;
2. Ma’lumotlarni tajriba yoʻli (aposterior) bilan olish usullariga asosan;
3. Oldindan (aprior) berilgan ma’lumotlarga asosan;
4. Anglashda ishlatiladigan belgilar xarakteriga asosan.
Bu tamoyillarni birma-bir koʻrib chiqamiz:
1. Bu tamoyilda belgilarning fizik tabiati bir jinsli yoki koʻp jinsli ekanligi e’tiborga olinadi. Bu boʻyicha TAT oddiy va murakkab tizimlarga boʻlinadi. Oddiy ATlar belgilar fizik tabiati boʻyicha bir xilligi bilan xarakterlanadi. Masalan, telefon avtomatlarida ishlatiladigan tangalar va metrodagi avtomatlarda ishlatiladigan “jeton” larda faqat ogʻirlik belgisi e’tiborga olinadi. Qulflarni ochish uchun kalitlarning geometrik oʻlchovi hisobga olinadi. Tushunarliki, oddiy TATda kompyuterdan foydalanish shart emas. Bunda oddiy mexanik yoki elektromexanik qurilmalardan foydalansa boʻladi.
Murakkab ATlar belgilarning fizik bir xilli emasligi bilan xarakterlanadi. Masalan, samolyotlarni xarakterlovchi belgilar:
- ekipajlar soni;
- uchish balandligi;
- samolyot vazni;
- geometrik oʻlchovlari va h. k.
. Sinflashtirishning ikkinchi tamoyili boʻyicha TAT bir pogʻonali va koʻp pogʻonali tizimlarga boʻlinadi. 2.2-rasmda bir pogʻonali va 2.3-rasmda koʻp pogʻonali TAT keltirilgan.