Композит пломба ашъёлари. Таснифи. Кимёвий ва нур ёрдамида қотувчи композитлар. Бондинг тизими

Тошкент Давлат стоматология институти

Факультет терапевтик стоматология кафедраси

Преклиник реставрацион стоматология фанидан 1 курс II семестр талабалари учун 3-маъруза

Композит пломба ашъёлари. Таснифи. Кимёвий ва нур ёрдамида котувчи композитлар.

Маъруза мақсади: Композит пломба ашъёларини таркиби, хоссалари, уларни таснифини ёритиш.

Композит пломба ашёларнинг таркиби
Полимер матрица (органик)	BIS-GMA – бисфенолглицидилметакрилат, UDMA – уретандиметилметакрилат, TEGDMA – триэтиленгликольдиметакрилат.
Ноорганик тўлдиргич 50% дан ортиқ (дисперс фаза)	Кварц, алюмосиликат ва борсиликат шиша, кремний оксиднинг турли модификацияси, олмос чанги ва б.
Юза актив моддалар	Катализаторлар, инициаторлар, бўёқлар, пигментлар, силанлар.
Силанлар	Тўлдиргич ва органик матрицани бирикишини таъминлайди.

Органик полимер матрица – композитларнинг асоси бўлиб ҳисобланади.

• Органик полимер матрица – композитларнинг асоси бўлиб ҳисобланади.
• Ноорганик тўлдиргич – ашёга мустахкамлик, едирилишга қарши чидамлилик, чўкмага тушишини камайтиради, эстетик хусусиятларни яхшилайди.
• Силанлар – ишлаб чиқариш шароитида ноорганик тўлдиргич юзасига сурилади. Улар тўлдиргич ва органик матрица орасида кимёвий боғ хосил қилади.

Органик полимер матрица қўшимчалари:

• Полимеризация ингибитори – пломба билан ишлаш вақтини ва сақланиш муддатини узайтириш учун;
• Катализатор – полимеризацияни бошлаш учун;
• Қўшимча катализатор (ко-катализатор) – полимеризация жараёнини яхшилаш учун (фақат кимёвий қотувчиларда);
• Активатор (полимеризация фотоинициатори) – полимеризация жараенини бошланиши учун (фақат нур билан қотувчиларда);
• Ультрабинафша нурларни қамраб олувчи – ранг турғунлигини яхшилаш учун, ашёга қуёш нурлари тушганда унинг ранги ўзгаришини камайтириш учун.