Компьютер системаларининг вируслар билан захарланиш профилактикаси

Фильтрлар — қуриқловчи дастурлар куринишида бўлиб, резидент ҳолатда ишлаб туради ва вирусларга хос жараёнлар бажарилганда, бу ҳақда фойдаланувчига хабар беради.
Ревизорлар — энг ишончли ҳимояловчи восита бўлиб, дискнинг биринчи ҳолатини хотирасида сақлаб, ундаги кейинги ўзгаришларни доимий равишда назорат қилиб боради.
Детектор дастурлар компьютер хотирасидан, файллардан вирусларни қидиради ва аниқланган вируслар хақида хабар беради.
Доктор дастурлари нафақат вирус билан касалланган файлларни топади, балки уларни даволаб, дастлабки ҳолатига қайтаради. Бундай дастурларга Aidstest, Doctor Web дастурларини мисол килиб келтириш мумкин. Янги вирусларнинг тўхтовсиз пайдо бўлиб туришини ҳисобга олиб, доктор дастурларини ҳам янги версиялари билан алмаштириб туриш лозим.
Фильтр дастурлар компьютер ишлаш жараёнида вирусларга хос бўлган шубҳали ҳаракатларни топиш учун ишлатилади.
Бу харакатлар қуйидагича бўлиши мумкин:

• 
  файллар атрибутларининг ўзгариши;
  
• 
  дискларга доимий манзилларда маълумотларни ёзиш;
  
• 
  дискнинг ишга юкловчи секторларига маълумотларни ёзиб юбориш.
  

Текширувчи (ревизор) дастурлари вирусдан ҳимояланишнинг энг ишончли воситаси бўлиб, компьютер зарарланмаган ҳолатидаги дастурлар, каталоглар ва дискнинг тизим майдони ҳолатини хотирада саклаб, доимий равишда ёки фойдаланувчи ихтиёри билан компьютернинг жорий ва бошлангач ҳолатларини бир-бири билан солиштиради. Бунга АDINF дастурини мисол қилиб келтириш мумкин.
Компьютер тизимларида хавф-хатарсиз ишлашнинг амалда синаб кўрилган ва юқори самара берган асосий қоидалари қуйидагилар.
Биринчи қоида. Қонуний расмий йўл билан олинган программ маҳсулотлардан фойдаланиш.
Иккинчи қоида. Ахборотни иккилаш. Аввало программ таъминотнинг дистрибутив элтувчиларини сақлаш лозим. Ишчи ахборотнинг сақланишига катта эътибор бериш лозим.
Учинчи қоида. Вирусга қарши воситалардан мунтазам равишда фойдаланиш лозим. Ишни бошламасдан аввал программа-сканерлар ва программа-тафтишлар ишлатилиши керак. Вирусларга қарши воситаларнинг мунтазам равишда янгиланиб турилиши шарт.
Тўртинчи қоида. Айниқса ахборотнинг янги элтувчиларидан ва янги файллардан фойдаланишда эҳтиёт бўлиш лозим. Янги дискеталар уларда юклама файлли вирусларнинг йўқлиги нуқтаи назаридан сўзсиз текширилиши шарт.
Бешинчи қоида. Тақсимланган тизимлар ёки жамоа фойдаланувчи тизимлар билан ишлаганда янги алмаштириладиган ахборот элтувчилар ва тизимга киритилувчи файллар махсус ҳисоблаш машинасида текширилиши лозим.
Вирусга қарши ҳар томонлама текшириш амалга оширилганидан кейингина дисклар ва файллар тизимдан фойдаланувчиларга узатилиши мумкин.
Олтинчи қоида. Элтувчига ахборот ёзиш кўзда тутилмаган бўлса, бу амални бажарилишига йўл қўйиш керак эмас. Бунинг учун 3,5 дюмли дискетларда квадрат тешик очиш кифоя.
Юқорида келтирилган тавсияларга риоя қилиш программ вируслар билан захарланиш эхтимолини айтарлича камайтиради ва фойдаланувчини ахборотни йўқотишдан сақлайди.