Компьютер графикаси

GL_LUMINANCE bitta komponent – yorqinlik (tekstura monoxrom bo‘ladi)
GL_RGB qizil, ko‘k, yashil
GL_RGBA barcha komponentlar.
width, height, data parametrlari teksturaning joylashuvi va o‘lchamlarini aniqlaydi, format va type esa gluScaleImage() buyrug‘iga o‘xshash ma’noga ega.
Bu buyruq amalga oshrilgandan keyin, tekstura OpenGL ning ichki xotirasiga nusxalanadi va shuning uchun joriy tasvir band qilib turgan xotirani bo‘shatish mumkin.
OpenGL da bir o‘lchamli, ya’ni 1xN teksturalardan foydalanishga ruxsat berilgan, lekin buni har doim target sifatida GL_TEXTURE_1D o‘zgarmaslarini berib ko‘rsatib o‘tish kerak. Bir o‘lchamli teksturalarning kerakliligi shubha ostida bo‘lganligi sababli ularga batafsil to‘htalib o‘tmaymiz.
Sahnada bir necha teksturalar qo‘llanilganda OpenGL da tasvirlar ro‘yxatini (teksturali obyektlar) yaratishni eslatuvchi amal bajariladi. Avval
void glGenTextures (GLsizei n, GLuint* textures)
buyrug‘i yordamida textures massiviga yoziladigan teksturalar n identifikatorlarini hosil qilish kerak. Keyingi teksturaning xossalarini aniqlashni boshlashdan oldin uni quyidagi buyruqni chaqirib joriy qilish kerak:
void glBindTexture (GLenum target, GLuint texture)
bu yerda target GL_TEXTURE_1D yoki GL_TEXTURE_2D qiymatlarini qabul qilishi mumkin, texture parametri esa keyingi buyruqlar taaluqli bo‘lgan tekstura identifikatoriga teng bo‘lishi kerak. Chizish jarayonida joriy teksturani bir qancha identifikatorlar bilan bajarish uchun target va texture qiymatlariga mos glBindTexture() buyrug‘ini takroran chaqirish yetarli. Shu tarzda, glBindTexture() buyrug‘i texture identifikatori bilan teksturalar yaratish rejimini kiritadi, agarda bunday tekstura yaratilmagan bo‘lsa, yoki uning bajarilish rejimi, unda ushbu teksturani joriy etib tayinlaydi.
Chunki barcha apparaturalar ham katta hajmdagi teksturalardan foydalana olmaydi, teksturalar o‘lchamini 256x256 yoki 512x512 pikselgacha cheklash maqsadga muvofiq. Eslatib o‘tamiz, katta bo‘lmagan teksturalardan foydalanish dastur samaradorligini oshiradi.